Balaam Barugahara atikiddwa "Doctorate" mu kuyamba abanaku naddala abayimbi
Feb 21, 2023
OMUTEGESI w'ebivvulu Balamu Barugahare,aweereddwa obwa Dokita olw'okuyamba abanaku n'asaba basereebu okuyiga okuyamba abantu. Balamu obwa Dokita buno bumuweereddwa,Yunivasite y'omu America eyitibwa Zoe Life Theological College U.SA ku matikkira agabadde ku Sheraton Hotel mu Kampala nga ono asiimiddwa olw'engeri gy'azze ayamba abayimbi,bannakatemba okusitula ebitone byabwe ko n'okuyamba abatesobola.
By James Magala
Journalist @New Vision
OMUTEGESI w'ebivvulu Balamu Barugahare,aweereddwa obwa Dokita olw'okuyamba abanaku n'asaba basereebu okuyiga okuyamba abantu.
Balamu obwa Dokita buno bumuweereddwa,Yunivasite y'omu America eyitibwa Zoe Life Theological College U.SA ku matikkira agabadde ku Sheraton Hotel mu Kampala nga ono asiimiddwa olw'engeri gy'azze ayamba abayimbi,bannakatemba okusitula ebitone byabwe ko n'okuyamba abatesobola.
Balaam ne bannabyabufuzi abalala
Ono atikkiddwa n'abanene abalala bangi okubadde;Kyabazinga wa Busogo, Wilberforce William Gabula Nadiope iv,Minisita omubeezi avunaanyizibwa ku butonde bw'ensi Beatrice Anywa,ababaka ba Palamenti okubadde owa Nakawa East Eng.Ronald Balimwezo,JAMES Nsababutuulo,Odonga Otto,Bannadiini abakulembeddwamu Apostle Grace Lubega owa Phanero Ministries n'abalala bangi nga omukolo ogw'okubatikkira gukoleddwa akulira ettendekero lino H.E Amb.Arch.Prof.Dr Innocent Richard Ngonzi okuva e Nigeria.
Kyokka Balam agambye nti eddaala ly'obwa Dokita ly'atuuseeko kabonero ak'obuwanguzi n'asaba abavubuka okukomya okwenyooma n'ategeeza nti agenda kutegeka okusaba okwokwebaza Katonda olw'ekkula ly'amuwadde
Ku mukolo guno Kyabazinga asabye abakulembeze okukomya okwegulumiza basobole okuweereza abantu bebakulembera.
Ye Omubaka wa Nakawa East Eng.Ronald Balimwezo agambye nti obwa Dokita obumuweereddwa bumwongedde maanyi okulwanirira abantu abanyigierizibwa n'asaba babaka banne okumwegattako okulwanyisa ebiikolwa ebityoboola eddembe ly'obuntu.
Related Articles
No Comment