Akulira akakiiko k'eddembe ly'obuntu alumirizza aba NUP okubuzaawo abantu baabwe

Dec 07, 2023

SSENTEBE w'Akakiiko k'eddembe ly'Obuntu mu Ggwanga aka Uganda Human Rights Commission alumirizza abamu ku babaka b'ekibiina kya NUP okuwamba abantu baabwe nga n'abamu babasasula Ensimbi okwebuzaawo olw'okwagala okutuukiriza ebigendererwa byabwe.  

NewVision Reporter
@NewVision

No Comment

SSENTEBE w'Akakiiko k'eddembe ly'Obuntu mu Ggwanga aka Uganda Human Rights Commission alumirizza abamu ku babaka b'ekibiina kya NUP okuwamba abantu baabwe nga n'abamu babasasula Ensimbi okwebuzaawo olw'okwagala okutuukiriza ebigendererwa byabwe.Bino webigidde ng'Ababaka ku ludda oluvuganya Gavaumenti nga bakulembeddwamu abakulira Mathias Mpuuga Nsamba olunaku olwajjo baakubye ebituli mu Alipoota eyafulumizizza gavumenti ku bantu baabwe bebagamba nti baabuzibwawo ekyali kyabaviirako n'okuzira entuula za Palamenti.Ssentebe w'akakiiko k'Eddembe ly'Obuntu Mariam Wangadya asinzidde mu kwogerako eri Bannamawulire ku kitebe kyabwe nga betegekera okukuza olunaku lw'Eddembe ly'obuntu olw'okubeerawo nga ennaku z'omwezi 11 omwezi guno n'alumiriza abamu ku babaka ba NUP okubeera emabega w'ekiwamba bantu kyebalumiriza gavumenti.Wangadya ayogedde ku Fayiro 18 ez'abawagizi ba NUP abagambibwa okubuzibwawo ezaggalwawo n'ategeeza Alipoota baagiwa akakiiko ka Palaementi ak'eddembe ly'obuntu era baakola okunoonyereza kwonna okwali kwetaagisa.

 
Wano ayongeddeko nti okumanya aba NUP bebuzaawo abawagizi baabwe nti waliwo n'omu ku bantu eyagenda mu wofiisi ye nga yemulugunya ku mubaka w'ekibiina kya NUP eyamusuubiza Ssente Emitwalo 50 okwebuzaawo nti kyokka bweyaddayo okubanja ng'amaze okukola omulimo ate baakuba mukube n'ategeeza nti bino byonna abimanyi.
 
Wangadya yagambye nti eky'ennaku n'ab'enganda z'abantu abagambibwa okubuzibwawo nti ate okuwa akakiiko k'eddembe ly'obuntu obujulizi okulabanga abantu baabwe bazuulibwa ate basooka kusaba lukusa okuva mu bakulu mu kibiina kya NUP!
 
Wano Wangadya alabudde Bannakibiina kya NUP okukomya okumukanda abantu baabwe abaabuzibwawo kyokka nga bo bennyini bebali emabega w'ebikolwa bino n'abawa amagezi okugenda mu bitongole ebyo byebalumiriza okuwamba abantu era n'ategeeza nti ne bwekiba kimwetaagisa kugenda wa Sipiika okumunyonnyola ensonga zino ajja kukikola.
 
Ku nsonga z'abantu ba bulijjo abazze bavunaanibwa mu Kkooti z'Amagye, Wangadya agambye nti abamu kiba kibagwanidde olw'enonga nti abamu oluusi bakwatibwa n'ebintu by'Amagye ekintu ekikontana n'Amateeka.
Related Articles
Akwatiddwa ku bya bba eyafudde
Akunze abantu okulima ppamba
Abadde avuganya ku kifo ky’aba...
Kyaddaaki Gashumba awasizza
Katikkiro ayogedde ku birina ...
Basse owa difensi ne bamubbako...

No Comment

(adsbygoogle = window.adsbygoogle || []).push({});