Ey'abatasussa myaka 20 egenze n'eddibu lya bassita; Kunihira ne Nakacwa

FIFA U20 Women’s World Cup Qualifiers 2022

Lwamukaaga(February 5, 2022)

Ghana – Uganda, Accra

Kuno kwe kwegasse n’eddibu lya Kevin Nakacwa eyafunye obuvune mu kutendekebwa okusembayo kyokka ababiri bano babadde mpagi nnene eri omutendesi Ayub Khalifa Kiyingi mu z’okusunsulamu zino.

Khalifa yawaliriziddwa okusikiza Reginah Nantege mu kifo kya Kunihira ate Phionah Nabulime n’agenda mu kya Nakacwa ku bazannyi 20 be yatutte mu kibuga Accra ekya Ghana ku Lwokuna (February 3, 2022).

Ku Lwomukaaga (February 5, 2022) Uganda edding’anye ne Black Queens FC eyabawangulira ku St. Mary’s e Kitende (2-1) mu nsiike eyasooka. Uganda okwesogga omutendera ogusembayo mu z’okusunsulamu zino yeetaaga kuwangula ne ggoolo(2-0).

“Omuzadde bw’aba asabye omwana we, ffe abatendesi tetulina kuwalira. Kituufu Kunihira tugenda kumusubwa naye tewali kyakkola abaliwo bajja kuzannye bulungi ate tuwangule, twagala wiini ku Ghana mu mbeera yonna era tujja kugifuna,” Khalifa bwe yategeezezza.

Uganda ssinga ewandulamu Ghana ejja kusisinkana anaawangula wakati wa Tanzania ne Ethiopia ku mutendera ogusembayo mu z’okusunsulamu zino.

Ensi bbiri zokka ze zirina okukiikirira olukalu lw’Africa, mu z’ensi yonna (FIFA U20 Women’s World Cup) anabeera e Costa Rica wakati wa August 10 ne 28, 2022.

Magaret Kunihira Ku Ddyo Ng'attunka N'owa South Africa

Abazannyi abaagenze;

Muggoolo; Daphine Nyayenga (Lady Doves FC), Joan Namusisi (Kampala Queens FC), Diana Natukunda (Kawempe Muslim Ladies FC).

Abazibizi; Sumayah Komuntale (Tooro Queens FC), Grace Aluka (Olila High School FC), Bira Nadunga (Olila High School FC), Samalie Nakacwa, Aisha Nantongo ne Asia Nakibuuka (aba Kawempe Muslim Ladies FC).

Abawuwuttanyi; Shamirah Nalugya (Kampala Queens Ladies FC), Shakirah Nyinagahirwa (Kawempe Muslim Ladies FC), Catherine Nagadya (Uganda Martyrs High School), Eva Naggayi (Rines SS WFC), Phionah Nabulime (Devine Soccer Academy WFC), Ronah Regina Nantege (She Corporate FC).

Abateebi; Lilian Mutuuzo ne Fauzia Najjemba (aba Kampala Queens), Hadijah Nandago (Kawempe Muslim Ladies FC), Juliet Nalukenge (Chrysomolia FC), Zaina Nandede (Kataka SHE FC).

Abaasuuliddwa; Saida Namwanje (Luweero Giant Queens FC), Harima Kanyago (Lady Doves FC), Winnie Nakanwagi (Uganda Martyrs High School FC), Zaituni Namaganda (Taggy High School FC), Joweria Nagadya (Lady Doves FC) ne Kamuyati Naigaga (Taggy High School),

Abakungu; Ayub Khalifa Kiyingi(mutendesi), Oliver Mbekeka(mumyuka), Mubarak Kiberu(wa baggoolokippa), Arthur Kyesimira(wa dduyiro), Joan Namusisi (mutabaganya), Cissy Nakiguba(Maneja) Stella Nankumba(musawo) ne Alex Kasirye(Mawulire).