Micho ayungudde ttiimu kabiriiti okuttunka ne Algeria

Sunday, 18th June 

Uganda-Algeria, Japoma Stadium, Douala 

OMUTENDESI wa ttiimu y’eggwanga Milutin Sredojevic asunsudde ttiimu kabiriti egenda okuttunka ne Algeria mupiira ggwa vvawompitewo mu mpaka z’okunsunsula abalyetaba mu Africa Cup of Nations Qualifiers. 

Ttiimu y’eggwanga yakamala mu nkambi ennaku 10 gy'ebadde yetekera tekera okuttunka ne Algeria mupiira gw'eyagala ennyo okutangaaza emikisa gyayo egy’okuzannya AFCON omwaka guno. 

Micho yasunsudde abazannyi 23 abasitula ekiro ku Lwokutaano ku makya nga ensiike yaabwe yaakubaawo nga 18 omwezi guno nga yaakukyaliza Cameroon mu kibuga kya Douala ku kisaawe kya Japoma Stadium. 

Ttiimu egenda kuliko baggoolo kkipa basatu, abazibizi munaana, abawuwuttanyi bataano n’abateebi musanvu. 

E Cameroon ttiimu yaakuzannya omupiira gw’omukwano ne Democratic Republic of Congo ku Lwokusatu nga 14th June. 

Uganda eri mu kibinja F n’obubonero buna nga yenkana ne Tanzania so nga yo Algeria ekulembedde n’obubonero 12 ne Niger eri ku bubiri. 

Ba ggoolokipa, Salim Omar Magoola, Charles Lukwago ne Nafian Alionzi. 

Abazibizi, Kenneth Semakula, Gavin Kizito, Abdu Azizi Kayondo, Joseph Ochaya, Halid Lwaliwa, Gift Fred, Geofrey Wasswa, Rogers Torach.  

Abawuwuttanyi, Khalid Aucho, Bobosi Byaruganga, Siraje Ssentamu, Moses Waiswa, Isma Mugulusi. 

Abateebi, Milton Karisa, Travis Mutyaba, Rogers Mato , Faruku Miya, Emmanuel Okwi, Fahad Bayo ne Richard Bassangwa.