Arteta atabukidde baddiifiriOmutendesi aba

Nottingham 0-0 Arsenal
Wolves 0-0 Newcastle
OMUTENDESI wa Arsenal, Mikel Arteta atabukidde baddiifiri nti baasalirizza ttiimu ye n’eremwa okukuba Nottingham ku Lwomukagaa mu nsiike ya Premier.
Omupiira guno gwawedde 0-0 kyokka Arteta alumiriza nti baafunye peneti, baddiifiri ne bagaana okugibawa. “Twasubiddwa emikisa mingi naye bandituwadde peneti yaffe kuba omuzannyi yakwatidde mu bbookisi”, Arteta bwe yategeezezza. Yayongeddeko nti “Omuzibizi wa Nottingham, Ola Aina yakutte omupiira ng’ensi yonna eraba kyokka baasazeewo kutunula butunuzi ekitali kituufu”,.
Yalumirizza nti omupiira bwe gwavudde ku kibegabega, gwagudde ku mukono gwa Aina era buli omu n’alinda peneti. Tewali kubuusabuusa eyo yabadde peneti kuba yagukwatidde mu bbookisi era VAR bye yatunnyonnyodde bifu,” Arteta bwe yagambye.
Arsenal esinga Man City, eyookubiri, obubonero 7.