Musaayimuto w'e Kitende akolerera Cranes

OKUZANNYIRA Cranes n'omupiira gwa pulofeeso-no ne Cranes bye birooto bya buli muzannyi. Nange bye nnina era obudde bwonna nja kubituukiriza. Bwatyo Simeon Ssevume, owa Football Classroom FC, eyatuuse ku luzannya lwa ttiimu 64 mu 'Stanbic Uganda Cup' bw'ategeeza. Y'omu ku bamusaayimuto abawangudde ebikopo mu bbanga et-tono. HUSSEIN BUKENYA gwe yanyumirizza obuvo bwe n'obuddo;

Simeon (ku kkono) ne mukulu we, Ryan Kikaawa mu pulojekiti y'abaana eya Toto eya Vision Group.

NDI mutabani wa Kato Kawuma ne Sylvia Nakiwala ab'e Nabbingo. Nga Abazungu bwe bakola okutandisa abaana baabwe omupiira nga bato, nange taata yantwala mu pulojekiti ya Vision Group eya Toto nga tutendekebwa kooci Godfrey Mugisha ku City High e Lugogo. Eno baatuyigi- rizanga ebintu bingi okwali; okuzannya omupiira, enneeyisa, enkuza y'ekitone kyo, n'ebirala. Nalina emyaka 4 nga nsoma nnasale ku Victors Junior School e Nabbingo.

E Lugogo, nagendangayo mu luwum- mula ne mukulu wange, Ryan Kikaawa eyali ansinga ekitone kyokka ye emisomo ne gimutwala kuba alina we yatuuka ng'emisomo gya ssaayansi tegimuganya kugenda mu kisaawe. Bwe natuuka mu P6, taata yantwala ku St Jude e Kakooge nnyongere okukwata ekkalaamu kuba ku bitabo tasaaga. Ng'omupiira bwe gusika, era e Kakooge naguzannyanga era kumpi nafuuka 'sereebu' kuba nabalaga nti ndi wa kibuga. Omupiira twaguzannyanga, kawungeezi nga tuvudde mu kibiina. Eno
namalirayo P7 mu 2019.
Mu luwummula lwa P7, taata yantwala mu akademi ya kooci Jackson Mayanja eya Mia Mia Soccer Academy eyali etend- ekerwa e Namboole. Eno nayigirayo bingi ebyannyamba okwongera ku kitone. 

NNYINGIRA UGANDA MATRYS LUBAGA
Enneeyisa yange ennungi ku St Jude, yanteerawo enkolagana ey'amaanyi n'omukulu w'essomero eryo, Bro. Steven Kyamanywa. Ng'ebibuuzo bya P7, biko- myewo, Bro. Kyamanywa yayogera ne Bro.Nsubuga, eyali akulira Uganda Matrys Lubaga ne nfuna ekifo nga ffiizi mpaayo kitundu. Eno, ekitabo kyayongera okun-
fuula bbize kyokka nga n'omupiira sig- uleka. Nasangayo Patrick Jonah Kakande, Hakim Mutebi, Ivan Nsumba n'abalala nga bo bali mu bibiina bya waggulu. Eno nasomerayo okutuuka mu S2 ne nneegat- ta ku St Mary's Kitende.

Simeon (aliko akasaale) mu Vipers Junior Team eyawangula eza U17.

NNYINGIRA KITENDE
Mu 2023 nga mpezezza emyaka 16, bampita ku ttiimu y'eggwanga ey'abali wansi w'emyaka 20 (Hippos) ng'etendekebwa Jackson Mayanja. Nali nnaakava e Zambia ne Prostat Academy.
Baatutwala mu nkambi ku kisaawe kya FUFA e Njeru, awaava olugendo olun-  tuusa e Kitende. Nasangayo, abazannyi b'e Kitende, Rogers Torach, Aggrey Madoi, Hassan Mubiru, Hakim Mutebi, Sula Mpanga, n'abalala abampitanga 'Young'. Mu nkambi, wajjangayo abatendesi b'e Kitende, Ronald Ssali ne Joel Musinguzi (Man Jo) okulaba ku bazannyi baabwe.
Abatendesi abo bandaba nga nzannya era bano be baakwatagana ne taata okuntwala e Kitende.
KITENDE YA NJAWULO
Olw'okuba naliko ne Torach ne banne mu U20, nabasanga ban- tegeera era olwandaba baagamba Kooci Edward Golola nti bafunye omuzannyi omutuufu. Nali nkyay-
ambala, nawulira akulira emizan- nyo mu St Mary's Kitende, Masita Ronald Mulagye ng'abuuza kooci Golola nti omwana oyo anaaso- bola? Kooci yaddamu nti, "Ajja kutuyamba nnyo." Embeera gye nasanga e Kitende, ya njawulo nnyo kuba buli kimu gyekiri. Okusoma, emizannyo, okulya obulungi, abatendesi, empisa mu buli aliyo, n'ebirala. Dayirekita Lawrence Mulindwa alwana buli muntu okubeera obulungi ate atuku- biriza nnyo obutasuulira kusoma. Amasomero gonna ge mbaddemu
mbadde nsasula fiizi okuggyako Kitende eryampa bbasale nga taata asoose kunteekako tteeka nti nnina okusoma nga bwe nzannya.

SSiimmeeoonn e e K Kiitteennddee..

BAKOOCI BANFUBYEKO
Kooci Vincent Sempijja (amanyiddwa nga Kooci Kakomando ow'e Nabbingo gwe nkuze naye, ssaako bakooci abalala, Abdallah Mubiru, Jackson Mayanja, Golola, Ssali, Hassan Zungu, Daniel Male be bakyasinze okuba mu lugendo lwange era bankoledde birungi  byereere.
Kuno ngattako Dayirekita Richard Mugerwa owa Prostat Academy, atambuza ennyo mu mawanga nga akademi ye yeetabye mu mpaka ez'enjawulo mu Af- rika. Ntambudde mu mawa- nga okuli, Zambia, Rwanda n'e Tanzania nga tuzannya n'abaana okuva mu Bulaaya.

ESSANYU LY'EBIKOPO
Nali mu Vipers Junior Team ne tuwangula ekikopo kya Buganda Region ekya U17M ate BUL n'etukubira ku fay- inolo ey'ez'eggwanga. Kati nsambira ttiimu ya ssomero
yokka kuba nasussa emyaka 17. Obuzibu bwe nnina, omupiira nguzannya kyokka sinyumirwa nnyo kugulaba. Ngulaba lumu na lumu nad- dala nga Messi y'azannya kuba gwe nneegomba kyo- kka nga mpagira ManU gye mpagira. Njagala okulaba nga Football Classroom tu- tuuka wala mu Uganda Cup.