Sana Kayyar Omprakash atandikidde mu maanyi mu mpaka z'abavubuka eza National Junior Chess Championships

Enzannya ezenjawulo
Mu balenzi
Alvin Muhiirwa       0 Arthur Mwase   1
Innocent Baguma   1 Jovan Kasozi     0
Daniel Odokonyero 0.5 Soubith Omprakash 0.5
George Ssempijja   0.5 Mwase Mathew   0.5
Ronald Wabwire    1 Daniel Mukundwa   0
Okurut Martin        0 Apollo Ahumuza   1
Mu bawala
WCM Sana Omprakash 1   Zuri Tatiina   0
Suzan Namukobe           0   Juliet Asaba   1
Lukanga Tabith               0   Asiimwe Olivia   1
Suhana Anil Yadav         1   Tosha Torana   0
Nakatudde Mackline    1   Mwesigwa Faith   0
Hailey Michelle              1   Nambi Flavia   0
Nnantameggwa wa Africa mu muzannyo gwa chess Sana Kayyar Omprakash atandikidde mu maanyi mu mpaka zabavubuka eza National Junior Chess Championships eziyindira e Kireka
Sana yawangudde enzannya ze zonna omukaaga ezasoose neyekuumira ku ntikko yekimeeza nobubonero mukaaga okuva mu nzanya mukaaga oluvannyuma lwokukuba Zuri Tatiina mu luzannya olwomukaaga.

Abazannyi nga battunka mu mumuzannyo gwa chess

Sana kati obwanga abwolekezza Juliet Asaba ali mu kyokubiri nobubonero 5.5 mu muzannyo ogwa vvaawo mpitewo. 
Abazanyi bombi baakava mu mpaka za Africa eza African Youth Chess Championships e Zimbabwe sana gyewangulidde omudaali ogwa zaabu ate asaba nawangula ogwa feeza.
Singa sana awangula omuzannyo guno waakulangirirwa kui bwannantameggwa bwa chess mu bawala omwaka guno ate obuwanguzi bwa asaba bwakwongezaayo okulangirira omuwanguzi okutuusa ku luzannya olusembayo. 
Mu mizannyo emirala Nyatia Ahumuza azannya Asiimwe Olivia ate Hailey Michelle azannya Nakatudde Macklin. Abzanyi bona basibaganye ku bubonero butaano nga bonna balina omukisa okumalira mu bifo ebisatu ebisooka.

Alvin Muhiirwa nga attunka nw Mathew Mwase

Mu balenzi Arthur Mwase yasiitanye okukuba Alvin Muhiirwa ku boozi esooka nafuna obuwanguzi bwe obwomukaaga obwomuddiringanwa. 
Muhiirwa kati yagenze mu kifo kyakusatu nobubonero butaano nga esigadde emizannyo ebiri. Muhiirwa alina okuwangula omuzannyo gwe ne Edmund Lwanga mu round eyomusanvu bwaba waakusigala mu kibalo. Ye Mwase wakuttunka ne Innocent Baguma mu gwokulwanira ekifo kisooka.
Sanya Derrick omutegesi wempaka zino yayogedde ku mpaka zomwaka guno nga ezirimu okuvuganya okwamaanyi ekyongedde okulinyisa omutindo gwomuzannyo mu bavubuka. 
Abawanguzi baakukiirira eggwanga mu mizannyo egyenjawulo ku lukalu lwa Africa saako nemizannyo gyensi yonna. Empaka zomwaka guno zeetabiddwaamu bamusaayimuto abasoba mu 300. Empaka zikomekkerezebwa leero nomukolo ogwokukwasa abawanguzi ebirabo baabwe