KCCA emezze UPDF gggolo 4 ku aaha...........

TTIIMU ya Kampala Capital City Authority (KCCA), batomezza abajjaasi ba UPDF ekimotoka kya kasasiro, ku kisaawe kya MTN-Omondi Stadium e Lugogo bw’ebamezze ku ggoolo 4-0 mu liigi ya babinywera (Star Times Uganda Premier League).

KCCA FC abamanyiddwa nga Bakasasiro Boys, babadde baakazannya emipiira ebiri emabega nga tebawangula oluvannyuma lw’okukubwa Police FC (2-0) gye buvuddeko n’amaliri (0-0) e Luzira ewa Maroons.

Wiini eno ewadde omutendesi wa KCCA Brian Ssenyondo ne batendeka nabo ttiimu yaabwe bw’ekomyewo mu kifo ekyokubiri n’obubonero 30 emabega wa Vipers ekulembedde ku bubonero 33.

Ggoolo za KCCA zaateebeddwa Alpha Ssali eyavudde ku katebe mu ddakiika ey'e 75, Joel Sserunjogi ne Sammy Ssebadduka eyateebye ggoolo 2.

Mu nsiike eno omutendesi Ssenyondo yakoze enkyukakyuka ya bazannyi basatu okuva kw’eyo ttiimu eyatandika mu mupiira ogubadde gukyasembyeyo ogwa Maroons (0-0).

Hassan Muhamood yatandise mu kifo kya Filbert Obenchan ali ku kkoligo, Rogers Mugisha ne Brian Jjara baatandise mu kifo kya Ashraf Mugume ne Saidi Mayanja.