Ebyemizannyo

Pochettino akubye 6 aba ManU ne bawaga

ABAWAGIZI ba ManU bazzeemu embavu ne batandika buto okuwaga nti omutendesi waabwe omupya, Mauricio Pochettino wa kabi nnyo ajja kuzza ttiimu yaabwe engulu.

Abawagizi ba Man-u nga bawaga
By: Bukedde Omusunsuzi, Journalist @NewVision

Haiti 0-6 Amerika
Lwakubiri mu CONCACAF;

Amerika - Haiti
Ssande mu Premier;
Liverpool - ManU, 1:30
ABAWAGIZI ba ManU bazzeemu embavu ne batandika buto okuwaga nti omutendesi waabwe omupya, Mauricio Pochettino wa kabi nnyo ajja kuzza ttiimu yaabwe engulu.
Olwawulidde nti Amerika (etendekebwa Pochettino) etimpudde Haiti ggoolo 6-0 mu CONCACAF Nations League ku Lwomukaaga, aba ManU ne bagenderawo ku mitimbagano, ne bassaako obubaka obusuuta kooci omupya. "Omulokozi azze," omu bwe yawandiise. Omulala nti, "Atuuka ddi Poch waffe atunaazeeko ennaku?" Abalala baacookoozezza Liverpool nti, "Omulokozi azze okutufi irira. Ekyamagero ekisooka
akikolera ku Anfi eld ku Ssande."
ManU ekyalira Liverpool ku Ssande mu Premier nga gwe mupiira ogusooka bukya Pochettino asikira Michael Carrick, eyagobeddwa wiiki ewedde. ManU ya 18 ku ttiimu 20 n'obubonero 8 mu mipiira 10 nga bwe bukyasinze okuba obutono mu mipiira egyo mu bbanga lya myaka 40.
Pochettino 54, yasabye ManU n'emukkiriza asooke amalirize ensiike ya Haiti ku Lwokubiri. Ekimu ku bizibu ebimulinze kya kapiteeni Bruno Fernandes akyagaanyi okuzza obuggya endagaano. Ebirala kuliko; ekisenge ekitiiriika, bassita aboogera ebyama, enzannya embi, abawagizi abeetemyemu, n'obutamanya kiddako

Tags: