Bungereza esudde owa Liverpool ettale
Mar 23, 2021
OMUTINDO ogwa wansi Liverpool gw’eraze sizoni eno gutandise okufiiriza bassita baayo mu ttiimu z’amawanga.
By Bukedde Omusunsuzi
Journalist @NewVision
Omuzibizi Trent Alexander-Arnold y’asoose okukafiiramu, omutendesi wa Bungereza, Gareth Southgate bw’amulese ebweru wa ttiimu eyeetegekera emipiira ebiri (San Marino ne Albania) egisunsula abalyeta mu World Cup ya 2022 e Qatar. Ku Lwokuna, Bungereza ekyaza San Marino ate ku Sunday ekyalire Albania.
Trent Arnold
Southgate yagambye nti omutindo gwa Arnold gukyuse kinene ku gw’azze alaga mu sizoni 2 eziyise nga bwe kityo yayise Reece James (Chelsea), Kyle Walker (Man City) ne Kieran Trippier Atletico Madrid) mu nnamba 2.
Ekisinze okutiisa Arnold 22, z’empaka za Bulaaya (Euro) ezigenda okukwajja mu June nga singa talinnyisa mutindo, asobola okuzirabira ku ttivvi. Liverpool eyawangula Champions League mu 2019 ne Premier sizoni ewedde, kati yaamukaaga mu Premier nga Man City ekulembedde egisinga obubonero 25.
No Comment