Abakuristaayo baabinga omwahure ahabw’esente z’ekanisa- Buhweju

N’ebya Bruno Mugizi

BUHWEJU

Abakuristaayo b’ekanisa ya Ryakafuni C.O.U omu buriisa bwa Kyamato omu busabadikoni bwa Nyakashaka omu disiturikiti ya Buhweju baabinga omwahure waabo omu kanisa barikumutura okukoresa kubi esente z’ekanisa.

Rev. Delson Bangirana ow’oburiisa bwa Kyamato yabingirwaho bwanyima y’okushaba kwa Sande kwaheza kutandika. Ogu yaabingwa abatuura abaaba batarikurabwa mu maisho nk’enjoki z’ekyanda barikumutura okubuzaho shiringi miriyooni 8 ezaarundainwe kumarira okwombeka ekanisa omu mwaka gwa 2021.

Rev. Bangirana nahabura abakuristaayo okukuratira ebiragiro by’ekanisa nainga baze omu kooti babaase kugonjoora ebizibu.

Azaria Tugume, Omuburizi w’ekanisa ya Ryakafuni yashaba obureeberezi okutaaha omu nshonga egi embeera etakasisikaire.

Rev. Bangirana Delson orikujunaanwa yagambira omunyamakuru weitu ngu obuzibu bwizireho bwanyima y’omuhwezi kuhindurwa omu kwezi kwa 11, 2023. 

Nahabura abakuristaayo okukuratira ebiragiro by’ekanisa nainga baze omu kooti babaase kugonjoora ebizibu.

#WestUpdates