Okutongozaho purogyekiti y’okwombeka Nyabuhikye Seed S.S

Okutongozaho purogyekiti y’okwombeka Nyabuhikye Seed S.S

N’ebya Timothy Mushabe

Ibanda:

Disiturikiti ya Ibanda yaatongozaho okwombeka eishomero erya boona bashome erya Nyabuhikye Seed S.S omugomborora eya Nyabuhikye.

Eishomero eri niriza kwombekwa omuri Bwahwa ahatweire n’ekizibu ky’okushomesa abaana kandi RDC Caleb Tukikiriza niwe yaaba ari omugyenyi mukuru.

Okwombeka nikuza kukorwa aba kampuni eya Kaleta Constructions Limited kandi nikuza kuhezaho shiringi biriyooni 2.6 ahansi ya Uganda Intergovernmental Fiscal Transfers.

Disiturikiti ya Ibanda yaatongozaho okwombeka Nyabuhikye Seed S.S...(Photo by Timothy Mushabe)

Mukuru w’eby’obwegyese omu disiturikiti eya Ibanda, Peter Nsimire bwanyima y’okutongozaho purogyekiti egi, yaatangaaza ngu eishomero eri ryaba ryahweire niriza kuhweraho ekicweka eki abaana kushoma agumize ngu n’emwe ahamyanya ebaire eteine eishomero erya siniya.

We mukuru w’egomborora ya Nyabuhikye, Anastasius Katongore naagira ngu ahabw’obutagira eishomero rya siniya omu kicweka kye, egomborora yoona harimu abantu 17 bonka abashomire kutunga diguri.

Disiturikiti ya Ibanda yaatongozaho okwombeka Nyabuhikye Seed S.S...(Photo by Timothy Mushabe)

Anastasius naagira ngu ababaire nibagyezaho okushoma babaire nibatambura engyendo naingwa obumwe baaza omu disiturikiti ya Buhweju.

Herbert Mayanja, mukuru w’entebe yakataano hamwe na RDC Caleb Tukikiriza bo bayehanangiriza abatuura okukwatanisa naba konturakita okureeba ngu purojekiti egi yaahwa omubwire bwayo bw’emyaka ebiri.

Eishomero erya Nyabuhikye erikuza kwombekwa nirimwe ahamashomero 27 ga fezi yakashatu omuhururu ya gavumenti okwombekyera buri gomborora omu eihanga ishomero erya boona bashome.

#WestUpdates