Omworeko gwa #HarvestMoneyExpo 2024 gwatandika eriizooba

N’ebya Omushaki weitu

KAMPALA

Omworeko gwa sharura esente (Harvest Money Expo) gwatandika eriizooba aha kishaayi kya Kololo omuri Kampala.

Omworeko ogu ogwatongoziibweho 01/02/2024 nigwija kwetabwamu abarikukwatwaho boona omu kitongore ky’eby’obuhingi kubaasa kwega kihango aha bikwatiriine n’obuhingi n’oburiisa.

Enkumi n’enkumi z’abantu abarimu abahingi n’abariisa, abeegi, abahangu omu by’obuhingi n’abandi baingi nibateekateekwa kwetaba omu mworeko ogu.

Omworeko gwa #HarvestMoneyExpo 2024 gwatandika eriizooba.

Abeegi boona abarayetabe omu mworeko ogu nibaija kwega kihango kuruga ahari bataahi baabo kandi nibeija n’okurambura hamwe n’okutendekwa omu mishomo etari emwe. Amashomero agaaherize kuhamya kwetaba omu mworeko ogu harimu Gayaza High School hamwe na Iganga Secondary School. Omworeko ogu nigwiha kuhwa aha Sande ebiro 25/02/2024.

Omworeko gwa Harvest Money ogwa 2024 gutebeekanisiibwe kampuni ya Vision Group n’obushagiki kuruga aha kitebe kikuru kya Netherlands omu Uganda, Tunga Nutrition, The National Agricultural Advisory services (NAADS), Engineering Solutions (ENGSOL), the Korea International Co-operation Agency (KOICA) hamwe na TechnoServe.
 

Omworeko gwa #HarvestMoneyExpo 2024 gwatandika eriizooba.

Mukuru wa kampuni ya Vision Group, Don Wanyama asiimire abateire esente omu mworeko ogu n’abandi abarikukwatwaho ahabw’orugyendo orubatambwire na kampuni egi omu kuhika aha mworeko gwa Harvest Money ogw’omurundi gwa 8.

Arikugambira aha mukoro gw’okutongozaho omworeko ogu, Minisita w’eby’obuhingi n’oburiisa, Frank Tumwebaze akasiima Vision Group ahabw’okutebeekanisa omworeko ogu ogureteire abahingi n’abariisa n’abarikukwatwaho boona omu kitongore ky’eby’obuhingi bamanyana bakabaasa kuhaana amagyezi aha kubakubaasa kutunguura eby’obuhingi n’oburiisa.

#WestUpdates