Ssente kati ziri mu bummonde

 Bya Samuel Balagadde

OLUVANNYUMA lw’ekiseera ekiwanvu ng’abasuubuzi n’abaguzi b’obummonde bangi babwesonyiye olw’obuseere n’omutindo omubi, embeera ekyuseemu. Kati butandise okulabika era ayagala ssente, bw’otandika okubutunda, ofuna kuba n’ababwetaaga babu­linamu ennyonta.

Bangi ku basuubuzi b’ebirime ebirala babivuddeko ne badda ku bummonde kuba butambula.

Bbeeyi yaabwo yasalise kumpi ebitundu 50 ku 100 kino ne kyongera okuzza bizinensi yaabwo eyali esalise, engulu.

Wadde obummonde obusin­ga obutundibwa kuno buva Kenya ku muliraano nga bujja bupakiddwa mu kasawo ka su­kaali aka kkiro 50, akabadde ku 150,000/- kati kasse okutuuka ku 80,000/-.

Omulengo gwabwo ogu­badde ku 5,000/- gye buvud­deko kati gwa 2,000/- oba 3,000/- okusinziira ku kifo ate ng’ababutunda basigadde bafu­nako amagoba kuba n’ababu­gula beeyongedde ate batwala mu bungi.

Akasawo k’oguze 80,000/-, bw’okalejjesa mu mirengo osobola okufunako amagoba ga 15,000/-.

Kati ggwe ayagala okufuna ssente ez’amangu, gezaako okusuubula obummonde. Ate bw’oba mu kifo ekigazi omuli n’abaguzi abangi, ofunirako ddala akawera.

Binnyonyoddwa Martin Masinde omusuubuzi w’obum­monde mu Kisenyi mu Kampala.