By'olina okwetegereza ng'ogula pikipiki ekozeeko

OKUFAANANAKO n’akatale ka mmotoka ezimaze okuvugibwako wano mu ggwanga akeeyongera okukula buli lukya, pikipiki ezimaze okukolako nazo zeeyongedde obungi ku katale.

Wadde tewali tteeka likugira muntu yenna okugula ekidduka ekyavugibwako wano mu ggwanga, oyo akigula aba alina kubeera mwegendereza obutagwa mu katego ka kugula ebyo ebiriko embeteza.

Godfrey Musisi, nga musuubuzi wa bidduka ebikadde agamba nti, embeteza mu bidduka ebyavugibwako wano mu ggwanga tezikoma kw’ezo enzibe, wabula olina okwewala ezo ezirimu enkaayana mu b’eng'anda ne mu bazitunda.

Musisi agamba nti, mu kukola endagaano y’obuguzi mu bidduka ebigwa mu kkowe lino waliwo obukwakkulizo obulina okuteekebwamu okwetangira ebiyinza okuddirira. Muno mulimu okumanya atunda gy’abeera, kkaadi ye.

ey’eggwanga, abajulizi ababaddewo mu kutunda ssaako n’okukissa ku buwandiike nti, singa wabaawo obuzibu ku kidduka kino mu kiseera nga tekinnagulibwa abeera ng’avunaanyizibwako kyenkanyi.