Kasalabecca
Acram asiimye omugenzi Sheikh Muzaata olw'okulabirira mukyala we Kuluthum
YINGINIYA Acram Gumiisiriza ono ye bba wa Dr.Kulthum Nabunnya omujja asiimye eyali bba wa mukyala we omugenzi sheikh Noor Muzaata Batte olw’kwola mukyala we
Acram asiimye omugenzi Sheikh Muzaata olw'okulabirira mukyala we Kuluthum
By: Patrick Kibirango, Journalist @New Vision
Acram Gumiisiriza ono ye bba wa Dr.Kulthum Nabunnya omujja asiimye eyali bba wa mukyala we omugenzi sheikh Noor Muzaata Batte olw’okulabirira obulungi mukyala we kati n’amusabira katonda amuwe ekiwummulo eky’emirembe.
Bino Acram yabyogeredde mu kwogera kwe bwe yabadde mbaga ye, ku mukolo kwe baasembereza abagenyi babwe e Nsambya ku wooteeri ya Mestil oluvannyuma lw’okuwoowebwa mu bufumbo okwabadde ku muzikiti gwa Old Kampala ku Ssande.
Kulthum yagambye nti yasisinkana abasajja bangi abaali bamusaba obufumbo nga Muzaata afudde era bangi be yagoba, Acram n’ayitawo olw’okumulabamu ebisaanyizo byonna bye yali anoonya mu ngeri eno n’ayanukula abaali babijweteka nti yafuna Acram nga Muzaata akyali mulamu.