Purity Mukisa omwaka agutandikidde mu ggiya

PURITY Mukisa, omuyimbi w’ennyimba za gosipo, omwaka agutandikidde mu ggiya. Afulumizza vidiyo y’oluyimba lwe olupya lw’atuumye ‘Niwewe’ olugguddewo omwaka 2026.

Niwewe kigambo kya lulimi Luswayiri ekitegeeza nti ‘Ye ggwe’. Purity Mukisa, muweereza wa Mukama era akozesa talenti ye ey’okuyimba okusaasaanya enjiri ya Kristu.

Mu luyimba olwo, mw’ateese obujulizi obukwata ku bulamu bwe n’ategeeza nti yasooka kufuna bubaka mu kirooto era bwe bwo bwe yassa mu luyimba luno.

Aluwaanye okuba nga lunyuma wabula n’ategeeza nti mulimu obubaka obubudaabuda abali mu bweraliikirivu n’abo abaweddemu essuubi. Lwakoleddwa pulodyusa Sam Bisaso ate Creation Charis n’erukwata vidiyo. Purity Mukisa era ye yayimba Yenze, Ofuge n’endala.