Abeegi 2 ba S.4 abaine oburema bafiire.

N’ebya Godfrey Kigobero

Abeegi 2 abaine oburema aha mibiri yaabo ababaire bari omu S.4 kandi barikuteeganisibwa endwara y’omushagama eya ‘Sickle cells’ omu mashomero gatari gamwe bafiire omu wiiki emwe.

Abafiire bamanyirwe nka; Edwin Wamutale- omwegi w’eishomero erya St. Noah Mawaggali Secondary School omuri Njeru omu disiturikti eya Buikwe hamwe na Celine Anne Namuwase, ow’eishomero erya St. Andrew Kaggwa, Gombe High School omuri Kawala, Kampala.

Ebi bigambirwe Omugambirizi w’ekitongore ky’ebigyezo omu eihanga ekya UNEB, Jennifer Kalule Musamba aharw’okubanza obu abaire nagambaho omu rukiiko rw’ebitongore by’okwerinda. Orukiiko oru rubaire aha kitebe kikuru kya Pooriisi omuri Naguru, Kampala.

Abeegi 2 aba S.4 bafiire bwanyima ya wiiki emwe, abeegi ba S.4 baherize kutandika ebigyezo byabo by’aha muheru ebiteebekanisiibwe ekitongore ky’ebigyezo ekya UNEB.

Ebyo bikiri aho, omu kyanga ekya West Nile, Pooriisi omu disiturikiti eya Yumbe ekwatsire abashomesa 6 ab’eishomero erya Nampita Secondary School hamwe n’orikukuma ebigyezo ahabw’okushangwa baine ebikwato ebitarikwikirizibwa hamwe n’okuteeganisa ekishengye ky’okukoreramu ebigyezo.

Kalule naagamba banyakuteekateekwaho nka; Julius Caesar Obbo- omushomesa wa Economics, Josephine Angukoru owa Biology, Boniface Ntibiringirwa, Godwin Wasswa, James Bamukabire, Emmanuel Okello, Saddam Hussein hamwe n’orikukuma ebigyezo Bosco Oryema.

#WestUpdates