Abeegi barikurenga miriyooni 1.2 behandikiise kukora ebigyezo bya 2023.

N’ebya Michael Odeng na Ivan Tsebeni
 
Ekitongore eky’ebigyezo omu Ihanga ekya Uganda National Examinations Board (UNEB) nikigira ngu kihandiikire abeegi 1, 204,135 kwija kushitamira ebigyezo byabo by’ahamuheeru eby’omwaka ogu.

Abahandiikirwe barimu abarikuza kukora ebigyezo bya P.7, S.4 na S.6.

Eki kizireho bwanyima y’ehururu y’okuhandiika abeegi kwongyezibwayo kuruga aha biro 31/05/2023 ebi yabaire eine kukomaho kuhika ebiro 07/06/2023.
 
Okurugiirira ahari Jennifer Kalule, Omugambirizi wa UNEB, abeegi abakyereirwe kuhandiikwa baine kuruga ebiro 08/06/2023 kuhika 31/07/2023 beitu aba nibaija kugira esente ezibashashura.

Kalule naagira ngu abeegi aba P.7 baine kuhisya ebiro 30/06/2023 kandi aba nibaija kuba nibashashura obucweka 100 ahari 100 bw’abeegi aba P.7 bashaashire ezirikwingana 68,000, aba S.4 nibaija kushashura 246,000 kandi aba S.6 shiringi 328,000.

 “Bakuru b’amashomero baine kuhisya ebiro 31/07/2023 kushwijuma ebi bahandiikire n’okukora emoinduka bataine sente ezindi ezibashashwize abeegi, “ Kalule arikushoborora.

Emyanya erikwingana 20,656 niyo erikuteekateekwa kuhandiikwa omwaka ogu.

#WestUpdates