Mukuru w’eishomero akwateirwe okuheereza abeegi ebirugire omu bigyezo bya UNEB bigwire.

N’ebya Omushaki weitu

BUSHENYI

Ekitongore ky’ebigyezo omu eihanga ekya UNEB kikwatsire mukuru w’eishomero rya Purayimare, Lillian Ayebazibwe ahabw’okugambwa kuba yahaire abeegi ebirugire omu kukora ebigyezo bya P.7 eby’omwaka oguhwaire bigwire. 

Ayebazibwe, Mukuru w’eishomero erya Bubaale Primary School omu disiturikiti eya Bushenyi, eishomero rya gavumenti nagambwa kuba yacumpwire ebirugire omu bigyezo bya P.7 akabiheereza abeegi n’obu abeegi 116 ahari 132 bataratungire ebyarugire omu bigyezo by’ekitongore ekya UNEB. 

Ebigyezo by’abeegi 114 ah’eishomero eri bikakwatwa ekitongore ky’ebigyezp ekya UNEB ahabw’okuteekateekwaho kuba baakopire.

Beitu hoona, akakiiko k’eby’okwerinda omu UNEB kashangire ngu Ayebazibwe akaheereza abeegi ebirugire omu bigyezo bya P.7 bigwire.

Omugambirizi w’ekitongore ky’ebigyezo kya UNEB, Jenifer Kalule nashaba amashomero ga siniya goona agarikwakira abeegi ba S.1 na S.5 okubanza bahamya ebirugire omu bigyezo byabo n’ekitongore kya UNEB.

#WestUpdates