Omukazi omuri Mitooma aitsirwe, omutumbi gwe bagunaga omukisharara.

N’ebya Bruno Mugizi

MITOOMA

Pooriisi omu disiturikiti eya Mitooma eriyo necondooza omuringo ogu omukazi w’emyaka 38 aitsirwemu n’omutumbi gwe bakagunaga omu kisharara.

Martial Tumusiime, Omugambirizi wa Pooriisi ahabw’ekyaga ekya Bushenyi empango ahamize amakuru aga nyomwebazyo ebiro 21/0/4/2024. Amakuru aga gabaire omu kyaro kya Nyakaziba omu muruka gwa Igambiro omugomborora eya Katenga omu disiturikiti eya Mitooma.

Omugyenzi amanyirwe nka; Naturinda Mones, omutuura w’omu kyaro nikyo kimwe obuzire kuruga omu maka gye ahabiro 15/04/2024 shaaha nka 8 z’eihangwe kandi aba famire ye babaire nibamanya ngu agiire omuri Bushenyi kushaba, enshonga ahabw’enki batarahababire ngu abuzire.

Omutumbi gwa Naturinda ogubaire gwatandikire kujunda gureebirwe abatuura ababaire bagiire kutema ebinyansi aha mugyera ogwa Nyamirembe nyomwebazyo aha Sande ebiro 21/04/2024 nikwo kumanyisaho Pooriisi.

Tumusiime naagira ngu Pooriisi eizire yahika aha mwanya nikwo kutwara omutumbi omu kabafu ah’eirwariro erya Mitooma Health Center IV kukyeberwa obwo okucondooza kurikugyenda omu maisho.

Kishangirwe ngu omutumbi gw’omugyenzi ogushangirwe omu kisharara gwatandikire kujunda gubaire gutemire aharisho rya bumosho kandi n’aha kibero.

#WestUpdates