Omwana obaire aibirwe Naggalama azoirwe.

N’ebya Charles Etukuri

MUKONO

Pooriisi ya Kasawo omu divijoni ya Naggalama omu disiturikiti eya Mukono ezoire omwana w’okwezi kumwe bwanyima y’okwibwa kuruga ahari nyina.

Okwibwa kw’omwana ogu gukaba omu kyaro ekya Lusera omu tauni kanso eya Kasawo omuri Mukono ahabiro 25/10/2023 obu nyina omanyirwe nka Sharon Akugizibwe, 25 yabaire amusigiire nyinazaara arikuza kushenya.

Omuhwezi w’omugambirizi wa Pooriisi ahabw’ekyanga ekya Kampala n’emyanya egiheriire, Luke Owoyesigyire, naagira ngu omwana ogu ashangirwe na muriraanwa obaire amwibire akamutwara omu disiturikiti eya Kamuli kubiiha omushaija we ngu azaire.

Nikigambwa ngu ah’eizooba eri omwana ogu ayibwa shaaha nka 7 z’eihangwe,  nyina ow’omu kyaro ekya Lusera omu tauni kanso ya Kasawo akahababa okwibwa kw’omwana we w’omwojo w’okwezi kumwe. Omwana ogu ni mutabani wa Alia Makwali Suruman na Akugizibwe,” Owoyesigyire arikushoborora.

Nashoborora ngu ekikorwa eki kikababo obu nyina yabaire amusigiire nyinazaara, Juliet Kiiza omuka akaza kusheenya. Ku yagiire kugaruka omuka, yashanga omwana ataruho.

Owoyesigyire naagira ngu omutima gwe gukateekateeka Justine Babirye owabaire aizire omu kicweka eki.

“Pooriisi ya Kasawo ekatandika kucondooza kandi bakagambaho na nyakuteekateekwaho Babirye owagizire ngu ari omuri Busoga na bwanyima akagira ngu akaba ari omu eirwariro eri atagambire. Ahabw’okukwatanisa kw’abatuura na Pooriisi, bakabaasa kuronda Babirye nikwo kumukwatia omu disiturikiti eya Kamuli kandi ashangirwe n’omwana ogu,” Owoyesigyire arikwongyera kushoborora.

Nakyoreka ngu abatuura b’omu tauni ya Nawanyago omuri Kamuli bakozire omurimo muhango omu muhigo ogu, nikwo kukwata Babirye n’omwana ogu kandi akaba abihire omushaija we, Robert Muwaire, ngu akaba aine enda kandi ngu azaire. 

Owoyesigyire naagira ngu Babirye n’omushaija we, Robert Muwaire bari omu kihome kya Pooriisi ya Kasawo kuhweraho Pooriisi omu kucondooza kwayo.

Omwana ogu obwahati ariyo naragurirwa kandi naija kukwasibwa nyina, Akugizibwe.

#WestUpdates