Otwire ari muka Kyabazinga ow’emikoro kuhayo obwebembezi ahari Inebantu.

N’ebya TOM GWEBAYANGA

BUSOGA

Bwanyima y’omukoro gw’okugaitwa kwa Kyabazinga omu kyanga ekya Busoga, Kyabazinga naija kutwarwa omu mwanya ogweheriire ahi otwire ori omukazi we ow’emikoro (Ceremonial wife) arikwija kumuhayo omu butongore ow’omukazi we Inebantu.

Princes Lubuga, 27, otwire ari omukazi wa Kyabazinga wa Busoga ow'emikoro ( Ceremonial wife).

Omukoro gw’eby’obuhangwa n’ogw’ekigama beitu abalangira b’obwa Kyabazinga n’abantu bakuru nibamanya ngu Princes Lubuga, 27, (Muka Kyabazinga ow’emikoro) naija kuhayo obushoborozi ahari Inebantu.

Omu by’obuhangwa bwa Busoga, Princess Lubuga ni “Muka Kyabazinga ow’omunwa” nainga “Muka Kyabazinga’s ow’emikoro”, orikuba ariho kujwekyera Inebantu, Kyabazinga yaaba atakashwire.

Omu bwa kabaka bwa Buganda, omuntu ogwe naaba namanywa nka Nalinnya-Lubuga.

Princes Lubuga, ow’amaziina ge ag’obuzaarwa ari Lillian Mukyala Kasuubo, ni munyanya wa Kyabazinga William Gabula Nadiope IV.

Omwoga gwe n’okuba ashutami aha rubaju rwa Kyabazinga aha mikoro kukora nka Inebantu beitu obushoborozi obu naija oburugaho, Kyabazinga yaheza kushwera.

Kuruga aha myaka 6 ei yabaire aine, Prince Lubuga atwire nashutama aharubaju rwa William Gabula Nadiope IV aha mukono gwa bumosho omu tenti z’abagyenyi bakuru aha mikoro y’eby’obuhangwa.

Kuruga aha myaka 6 ei yabaire aine, Prince Lubuga atwire nashutama aharubaju rwa William Gabula Nadiope IV aha mukono gwa bumosho omu tenti z’abagyenyi bakuru aha mikoro y’eby’obuhangwa.

Princes Lubuga, ow’amaziina ge ag’obuzaarwa ari Lillian Mukyala Kasuubo aha myaka 6 obu William Gabula Nadiope IV aheebwa obwa Kyabazinga bwa Busoga. Photos by Tom Gwebayanga.

Obushoborozi obu nibwija kumuhwaho aharwamukaaga ebiro 18/11/2023, obu arikwija kubuhayo ahari Inebantu (Muka Kyabazinga). Aharwamukaaga, nibwo Kyabazinga Nadiope IV arikwija kuba nagaitwa n’omukundwa we, Jovia Mutesi (Inebantu). 

#WestUpdates