Omukazi akwatsirwe ahabw’okugambwa kuba ayeburizeho wenka.

N’ebya Simon Masaba

Ab’eby’okwerinda bakwata omushuubuzi-kazi w’emyaka 32, Zainabu Kamongi, ahabw’okuteebekanisa ekikorwa ky’okwehamba wenka akebuzaho akaheereza ab’obushoborozi amakuru g’ebishuba.

Tiimu y’amakwatane erimu Pooriisi, amahe, ekitongore ekya CMI, eky’enyamaishwa z’omukishaka ekya Uganda WildLife Authority na ISO boona beimukiiremu aho n’aho kuronda Kamongi bwanyima y’okugambwa kuba ayeburizeho wenka aha biro 08/02/2024.

Omugambirizi wa Pooriisi, Fred Enanga, arikugambaho n’abanyamakuru aharw’okubanza aha kitebe kikuru kya Pooriisi omuri Naguru, Kampala, yaagira ngu Kamongi nagambwa kuba ayetsire nyina kuruga omu eirindiro ry’enyamaishwa erya Queen Elizabeth National Park, haihi na Kikorongo, agumize ngu we n’ondiijo muntu bakwatwa abantu bahagatiire embundu barikubashaba esente ngu babone kubarekura.

“Pooriisi egyerizeho kucondooza kubaasa kumanya ahi Kamongi kandi yakwatiirwa aha ruguuto orwa Margherita Street omu Munisiparite ya Kasese ekyarugiiriramu okukwatwa kwe,” Enanga arikushoborora.

Okurugiirira ahari Enanga, Kamongi n’owokwija kureebukaho omu kooti eriizooba kujunaanwa emanja 2 orw’okubiiha ab’eby’okwerinda, hamwe n’orw’okuteebekanisa okwehamba n’okwebuzaho wenka.

#WestUpdates