Omukazi akwateirwe okwiba ebyoma ebirikukoresa amashanyarazi omu hoteeri.

N’ebya Omushaki weitu

KAMPALA

Pooriisi ekwatsire omukazi ahabw’okugira akakwate n’okwiba ebyoma ebirikukoresa amashanyarazi imu mishomo erikuba omuri za hoteeri zitari zimwe omuri Kampala.

Omugambirizi wa Pooriisi, Fred Enanga naagira ngu Joan Nanteza akwateirwe omushango gw’obushuma bwanyima y’okugambwa kuba yataahire omu kishengye kyokukoreramu emishomo n’enkiiko ahari Kabira Country Club omu buryo butahikire atyo akibamu ebintu.

Nanteza nateekateekwa kuba ari omwe ahari guruupu y’abashuma abatwire nibaza omu mishomo erikuba eri omuri za hoteeri zitari zimwe bakibamu ebintu by’abantu omuri za kompyuta, amasimu n’ebindi.

Ebyo bikiri aho, Pooriisi ekwatsire abantu 249 abarikuteekateekwaho kuba babaire niba baba baine emihoro barikunyangaraza abantu omuri Kampala.

Okurugiirira aha mugambirizi wa Pooriisi, Fred Enanga- abantu 249 aba bakwateirwe omu bikwekweto bya Pooriisi n’ebindi bitongore by’okwerinda ebikozirwe omuri Kampala kumara wiiki 2.

#WestUpdates