Embundu 5 zizoirwe n’abantu 4 bakwatwa omuri Karamoja.

N’ebya Emmanuel Alomu

KARAMOJA

Embundu 5 zizorirwe omu mihingo etarikushushana ekozirwe ab’eby’okwerinda omu kyanga ekya Karamoja hamwe n’omuhururu y’okugambaho n’abantu b’omu kyanga ekya Karamoja kuhayo embundu bekundiire.

Ahabiro 10/02/2024, omu disiturikiti eya Kaabong, ab’eby’okwerinda bakwataniise bazoire embundu 2 bwanyima ya potoro eyakozirwe omu kiro ekyo hamwe n’okuronda abarikuteekateekwa kuba enkozi z’ebihagaro omu kyaro kya Lomonye omu woodi ya Morulem omu gomborora eya Kaabong East, Kaabong disiturikiti.

Embundu y’ekika ekya SMG eya namba P07743 BC erimu eisasi rimwe hamwe n’endiijo eya SMG etaine namba erimu amasasi zizoirwe kifuba.

Embundu ezizoirwe omu muhigo gw'ab'eby'okwerinda omu disiturikiti eya Kaabong omu kyanga ekya Karamoja.

Omu muhigo nigwo gumwe, abashaija 4 abarikuteekatekwaho bakwatsirwe ahabw’okugira akakwate n’obuhenda biragiro kandi obwa hati bakomiirwe omu kihome ky’amahe ekya UPDF' 45 Infantry Battalion omuri Kaabong kucondozibwaho.

Banyakuteekatekwaho barimu; Lotyang Lokarion,  Lotyang Lopote, ⁠ Bakamoe Lopote na  Ayollo Lopote boona abatuura b’omu kyaro ekya Lomonye omu woodi ya Morulem omu gomborora eya Kaabong East.

Omugambirizi w’amahe g’enkambi ya kashatu, Maj. Isaac Oware aharw’okubanza ebiro 12/02/2024 agizire ngu ente 7, embuzi 15, entaama 4 n’endogoya 2 ebirikuteekateekwa kuba byibirwe abashaija 4 abakwatsirwe.

Naagira ngu okucondooza kuriyo nikugyenda omu maisho.

#WestUpdates