Omukazi akwatsirwe ahabw’okuteera omuhara akamwita.

N’ebya Simon Masaba

LYANTONDE

Omukazi omu disiturikiti eya Lyantonde ari omu kihome kya Pooriisi bwanyima y’okuteera omuhara w’emyaka 8 ekimurugiiriremu okufa kwe.

Lydia Mbabazi, 30, omutuura w’omu kyaro kya Nakaseta omu gomborora eya Kabatema naagambwa kuba ateire omuhara w’emyaka 8, Olivia Kekikari.

Okurugiirira aha mugambirizi wa Pooriisi, Fred Enanga- eki kibaireho omu kasheeshe k’ebiro 14/02/2024.

Okurugiirira ahari rupoota za Pooriisi, kishangirwe ngu Mbabazi akateera omuhara yamukora kubi omu maka gaabo kandi abeerebiire n’agaabo nibagira ngu omukazi atwire natinirisiriza omuhara kwija kumwita.

Embeera y’omwana ogu ekeyongyera kusisikara obu Mbabazi areebirwe naatwara omuhara owaatungire obuhuta ah’eirwariro erya Lyantonde. N’obu yatungire okuragurirwa, Kekikari aizire yafeera ah’eirwariro eri. 

Omutumbi gwe nigworekyera kimwe ngu akateerwa yaatunga obuhuta bw’amaani obumurugiiriremu okufa, Enanga arikushoborora aharw’okubanza ebiro 19/02/2024.

Ebi abigambiire omurukiiko rw’ebitongore by’eby’okwerinda eby’amakwatane aha kitebe kikuru kya Pooriisi omuri Naguru, Kampala.

Okurugiirira ahari Enanga, okukwatwa kwa Mbabazi kugambiise abantu baingi kandi nibashaba kuhabaho oburinganiza omu mushango ogu ngu ahabw’okuba abantu baingi bariyo nibabonabona ahabw’emihondano y’omu maka n’abaana kutuntuuzibwa.

#WestUpdates