Omukoro gwa IGP Ochola kuhayo ofiisi guriyo nigugyenda omumaisho.

N’ebya Simon Masaba

NAGURU, KAMPALA

Entebeekanisa ziriyo nizigyenda omu maisho ahabw’omukoro gwa mukuru wa Pooriisi ya Uganda, Martins John Okoth Ochola kuhuumura n'okuhayo ofiisi bwanyima y'emyaka 36 ei yamara kuruga ayegaita aha kitongore kya Pooriisi ya Uganda.

Omukoro ogu nigwija kuba aha kitebe kikuru kya Pooriisi omuri Naguru, Nakawa divijoni omuri Kampala.

Abantu b’ebitiinisa abarimu ba dayirekita 13 abarikwebembera ebitongore bya Pooriisi betsirwe aha mukoro ogu.

Omugambirizi wa Pooriisi, Fred Enanga n’omwe aha baheerize kuhika aha mukoro ogu kandi naija kugambaho n’abanyamakuru bwanyima y’omukoro ogu kubamanyisa aha ku ekitongore kya Pooriisi kirikukoramu emirimo yaakyo.

Bwanyima ya Ochola kuhuumura, omuhwezi we, Maj. Gen. Tumusiime Katsigazi niwe arikwija kuba nakora nka mukuru wa Pooriisi ya Uganda (IGP) owakanya-bwanya okuhisya obu Purezidenti Yoweri Museveni aratoorane IGP omusya.

Ebirikukiraho omu makuru geitu

#WestUpdates