Gavumenti yaaheereza emifariso amarwariro 5 ga Mbarara

Evans Taremwa

Gavumenti yaahayo emifariso erikuhika 40 omumarwariro 5, aga Health Centre IV na Health Centre II omuri Mbarara kandi ekurateire ebitanda ebi gavumenti yaaheeriize amarwariro omwaka oguhweire.

Emwe ahamifariso eyaaheebwa amarwariro gamwe omuri Mbarara eriizooba ebiro 22.03.2024. PHOTO: EVANS TAREMWA

Obuhwezi bw’emifaraso 40 obu bwaheebwayo omuny’eishengyero-kazi ahabwa disiturikiti ya Mbarara Hon. Margaret Rwebyambu obwo arikugikwatsa orikukurira eby’amagara ahabwa disiturikiti ya Mbarara hamwe n’abakuru b’amarwariro omubutongore eriizooba ahari Bwizibwera Health Center IV.

Dr. Peter Sebutinde orikukurira eby’amagara omu disiturikiti ya Mbarara, yasiima Gavumenti okurabira omu kitongore ky’ebyamagara okubaheereza emifariso.

Emifariso egi yatwarwa omumarwariro 5 agarimu Bwizibwera Health Centre IV, Rubaya Health Center II, Kagongi Health Centre, Kashare Health Centre hamwe na Rubindi Health Center III.

Bamwe ahabarwaire abu twagaaniiraho nabo, baatutebeza embeera ei babeire nibarabamu bataine mifariso kandi baasiima Gavumenti okubaijuka.

#WestUpdates