Amatikkira e Kyambogo ga Leero

Bya Jill Ainebyoona

Amatikkira ga yunivaasite y’e Kyambogo ag’omulundi ogw’e 17 gatandise leero mu bukuumi obw’amaanyi, wabula ng’abayizi bagenda kugalabira ku mitimbagano, olw’okwewala omujjuzo, okwetangira okusaasaana kw’ekirwadde kya corona.

Abayizi abasuubirwa okutikkirwa bali 9521 nga kuliko abalenzi 5,074, n’abawala 4,447, ng’ebikujjuko bya kumala ennaku ssatu.

Pulezidenti w’eggwanga Yoweri Kaguta Museveni y’asuubirwa okubeera omugenyi omukulu, nga ne mukyala we Janet Kataha Museveni akola nga minisita w’ebyenjigiriza y’omu ku baayitiddwa.

Atwala ebyokwerinda mu yunivaasite, Afande Samuel Mission agambye nti waliwo abayizi abato abakkiriziddwa naye nga tebalina kujja na bazadde baabwe .

Ku matikkira gano lwe basinze okutikkira abayizi abangi era nga baasinze n’okuyita bulungi byafaayo, nga kuliko abalina ddiguli eya First Class 251, nga kuliko abalenzi 164, n’abawala 87.