Abagambibwa okulumba Spice Supermarket e Mukono ne balumya omu ku bakozi basimbiddwa mu kkooti.

Bano kuliko Ramathan Kirumira 28, amanyiddwa nga Taata Budi omutuuze ku kyalo Kitete , John Kalyango 23 omutuuze w’e Kitete , Asuman Kanagodawa omutuuze w’e Kikooza , Ismal Ssenkubulwa omutuuze wa Ham Mukasa.

Ramathan Kirumira, Asuman Kanagodawa ne bannaabwe nga bali mu kaguli ka kkooti.guli

Mu balala mulimu; Juma Katende 27 mugoba wa bodaboda mutuuze w’e Kiyunga, Mustafa Zziwa 52, mutuuze w’e Bulega , Reagan Ndugga 23 nga mutuuze wa Kubbiri, Ezra Kizito omugoba wa bodaboda nga mutuuze wa Ham Mukasa , Abdul Galabuzi  23 omutuuze w’e Kasangalabi ne John Robert Oluka 23  mutuuze w’e Busembatya.

Abagambibwa okulumba supamaketi nga bali mu kkooti.

Bano baalabiseeko mu maaso g’omulamuzi w’eddaala erisooka mu kkooti e Mukono, Tadeo Muida.

Kigambibwa nti Juma Katende y'omu ku balumba Supamaketi ya Spice esangibwa mu kibuga Mukono ne balumya Annet Ssekandi eyali ku Counter bwe baamukuba essasi ku mugongo.Ono aguddwaako emisango ebiri omuli ogw'okubbisa emmundu saako n'okugezaako okutta omuntu.

John Kalyango ne banne Asuman Kanagodawa nga batuuka ku kkooti e Mukono.

Emisango baagizza mu bitundu eby’enjawulo era kigambibwa nti baalina n’ebissi ebirala okwali ejjambiya.

Oluvannyuma kigambibwa nti baalumba n’ebitundu eby’enjawulo omul; Kitete, Kasagalabi, Kubbiri , Ttakkanjuge n'ebirala ne banyagulula ebintu omwali ttivvi, amssimu, ensimbi enkalu, mmotoka, Laptops, ppikippiki nnamba UAQ 573X  ssaako okulumya abantu ab’enjawulo.

Banno omulamuzi abagaanyi okubaako kye boogera kuba omusango gwe bazza gwa nnaggomola ogutasobola kuwulirizibwa kkooti eno bw’atyo n’abasindika ku limanda mu kkomera e Luzira okutuusa nga August 2, 2022 lwe banadda okusomerwa emisango gino