Abali ku gw'okubba owa Mobile Money e Malaba basindikiddwa mu kkomera
Dec 22, 2022
KKOOTI y’amagye esindise basatu mu kkomera lwa kubba owa Mobile Money nga bakozesa emmundu.
By Bukedde Omusunsuzi
Journalist @NewVision
Jude Ocieng 43, ayokya byuma ku Salaama Road mu munisipaali y’e Makindye, Joseph Asege 31 ng’abeera Akakai mu Soroti City ssaako Emmanuel Olinga 35 omusuubuzi e Tororo be basimbiddwa mu kkooti y’amaye ne bavunaanibwa.
Abawawaabirwa mu kaguli ka kkooti y'amagye e Makindye.
Oludda oluwaabi lulumirizza nti abawawaabirwa nga October 7, 2022 ku kyalo Akolodong "B" Ward Malaba Town Council e Tororo banyaga 9,140,000/= okuva ku Pius Oboth.
Bano era kigambibwa nti baatwala ne ssente 25,000 eza Kenya, n'essimu mukaaga nga bakozesa emmundu AK-47 nnamba 31048 ng’erina kubeera ne bamukwatammundu aba UPDF.
Omusango gwabasomeddwa ssentebe wa kkooti Brig. Gen. Freeman Robert Mugabe ne bagwegaana era ne basindikibwa e Luzira okutuusa nga January 31, 2023 ng’okunoonyereza bwe kugenda mu maaso.
No Comment