Omusumba Kakooza awadde abayizi abasoba 70 Kofirimansio

Bya Juliet Anna Lukwago           

Omusumba w’e Lugazi, Christopher Kakooza awadde abayizi Essakramentu lya Kofirimansio.

Abayizi abaweereddwa Essakramentu lya Kofirimansio lino mwe muli; abayizi b’amasomero ga; St Mary’s College Lugazi, Mother Kevina College Mabira, ne St. Anna Grace College .

Moses Ssenyonjo Ono Ye Mutandisi Wa Massomero Okuli St Mary's College Lugazi, Mother Kevin College Mabira Nga Batwala Ekirabo Ku Altari Mu Kitambiro Kya Mmisa

Bwe yabadde ayigiriza mu Kitambiro kya Mmisa kye yakulembedde ku ssomero lya Mother Kevin College Mabira ku Lwomukaaga, yatendereza omutandisi w’a masomero gano akoze ennyo okutumbula ebyenjigiriza mu disitukiti y’e Mukono ne Buikwe.

Omusumba Kakooza yabadde ayambibwako Chansala w’Obusumba bw’e Lugazi e, Fr. John C. Sserwadda, Bwannamukulu w’Ekigo ky’e Malongwe, essomero lino mwerisangibwa, Fr. John Baptist Lule, Fr. Gabriel Kiwanuka, Fr. Dr. Polof. John C. Maviiri, Fr. Man of God Masaba, Fr. Ignatius Kibowa, Bwannamukulu wa Lugazi Diocesan Cathedral Administrator, omulyoyi w’emyoyo gy’abayizi Fr. Mugaga Kuteesa, Fr. Charles Ssempijja n’abalala.

Abayizi Nga Basanyusa Abantu Oluvannyuma Lwa Mmisa Omusumba Kakooza Gye Yakulembedde Ku Ssomero Lya Mother Kevina Mabira Ku Lwomukaaga.

Ku mukolo gwe gumu Omusumba Kakooza yatendereza essomero lya Mother Kevin College olw’okukola obulungi ebigezo by’omwaka oguwedde nga lye lyasinga mu disitulikiti y’e Buikwe. 

Yakubiriza abayizi abalala okulabira ku bannaabwe ababakulembedde, nga bakola bulungi okwongera okusitula omutindo.

Abamu Ku Baana Abeetabye Mu Kitambiro Kya Mmisa E Kyakulembeddwa Omusumba Kakooza Ku Lwomukaaga

“Essomero lino lyakatandika emyaka ebiri gyokka kyokka omutindo kweriddukirako gw’amaanyi, twebaza omutandisi walyo, abasomesa, abayizi n’abakozi bonna,” Omusumba Kakooza bwe yategeezezza. 

Omusumba Kakooza yakubiriza abayizi n’abavubuka okwongera okubeera n’okukkiriza ate n’okwewa ekitiibwa naddala mu kiseera kino ekyokusoomooza.

Ku mukolo gwe gumu Omusumba Kakooza yagguddewo Eklezia (chapel) eyazimbiddwa ku ssomero, era n’asaba abayizi abafunye Essakramentu lya Kofirimansio okwongera okwesiga Omukama.

Abayizi Nga Basanyusa Abantu Oluvannyuma Lwa Mmisa

Yakubirizza abazadde okwongera okukuza obulungi abaana baabwe “abazadde abaana bwe mubakuliza mu ddiini n’okutya Katonda kijja kuyamba okuyita mu nsi obulungi nga ne bwe baba basanze okusoomooza tekibajja ku mulamwa.”