Abasiraamu basabiddwa okunyweza ennono z'eddiini

His eminence Mufti sheikh Ramadhan Mubajje asibiridde abasiraamu entanda okukuuma obumu n'empisa ennungi zonna ze babadde nazo mu kisiibo omutonzi asobole okubongera empeera.

Obubaka bwa Mubajje busomeddwa Regional khadhi owe bbendo bendo lya mukono Sheikh Mustafah Hamis Lule, ayongedde n'ategeeza nti kino kya kubayamba okubeera eky'okulabirako ekirungi naddala eri abaana abavubuka abasuubirwa okubeera abakulembeze b'eggwanga lino ab'enkya.

Okusaala Eid e Mukono

Ono era awanjagidde abasiraamu bonna okusabira eggwanga lino olw'ebigenda mu maaso naddala ng'enguzi, obulyake n'eneeyisa endala zonna ezitasaana ezikyegiriisiza mu ggwanga lino.

Sheikh Saziri Lumala ng'ono ye district khadhi w'omuzikiti omukulu ogw'emukono ogwa masjid atique, abasiraamu we bakungaanidde okusaala Eid Alfitir abakuutidde okusanyuka mu nsanyuka etagenda kubagyako kwaagala kwa Katonda era etagenda kwonoona yadde okusazaamu ekisiibo kyaabwe.

Okusaala Eid e Mukono

Mu bamu ku beetabye mu kusaala kino be baami ba kabaka ab'essaza kyaggwe abakulembedddwaamu ssekiboobo elijah Boogere Lubanga Mulembya abeeyamye okuteekawo enkolagana ennungi n'abakulira omuzikiti guno okulaba ng'obwakabaka mu ssaza kyaggwe budda Ku ntikko.

Ab'essaza,baliko bye bawadde abakulira omuzikiti guno omubadde omuceere, sukaali, ssabuuni n'ebirala biweebwe abasiraamu abatalina busobozi.