Ssaabalabirizi Kazimba Mugalu asoomoozezza Bank ku kuwola ssente

Ssabalabirizi w’ekkanisa ya Uganda Dr Stephen Kazimba Mugalu asabye bbanka okukomya okutema nga ku ssente z'ábantu mu ngeri etali nambulukufu ssaako nókubabinika nga emisoso emingi nga gyonna girubiridwamu kutema ku ssente zaabwe 

Abakulu mu mabanka mbasaba musomese abakozi bammwe bewalire ddala omuze ogwókukozesa nga olukujju kujju okubba  ssente zábantu kubanga abamu guno bagufude muze era banyumirwa ‘’ Kazimba bweyasabye

Okwogera bino ssabalabirizi asinzide mu kusaba okubadde okwenjawulo  ku kkanisa ya All saints cathedral e Nakasero olunaku olwa leero okubadde okwókusabira bana bizinesi okusingira ddala abo abali mu mulimu gwa bbanka ogwókutereka nókuwola abantu ssente era nga okusaba kuno kwetabidwamu abali mu mulimu guno abasobye mu 100 .

Okumalawo omuze gwóbufere mu mabanka akuutide abagakulira okwongera amaanyi mu tekinologiya ne ‘data’ kiyambeko okuziba emiwatwa gyonna egibadde giyitwamu okubba ssente zábantu ku akawunti .

Mungeri yeemu alaze obwetaavu bwa zi bbanka okwongera okusomesa abantu nókubagazisa okutereka ssente zaabwe mu bbanka naddala abo abali mubyalo nga bayita mukubayigiriza enkoza yébyuma bya tekinologiya nga ATM  nebirala .

‘’ Mbakuutira mwongere okukolagana ne bbanka muleme kutereka ssente mu mayumba kyabulabe nnyo ‘’ Kazimba bwasabye .