RunyankoleLugandaEnglish
Amawulire

Bakunyizza abakuumi ba Paasita Bujjingo

ABEEBYOKWERINDA bakunyizza abakuumi ba Paasita Aloysious Bujjingo owa House of Prayer Ministries ku by’obulumbaganyi obwamukolebwako.

Bakunyizza abakuumi ba Paasita Bujjingo
By: Bukedde Omusunsuzi, Journalist @NewVision

ABEEBYOKWERINDA bakunyizza abakuumi ba Paasita Aloysious Bujjingo owa House of Prayer Ministries ku by’obulumbaganyi obwamukolebwako.

Abeebyokwerinda baasoose kuyita eyali aduumira abakuumi be, Simon Peter Kaswabuli amannyiddwa nga (Simon Waltch) ku kitebe kya bambega b’amagye e Mbuya ku (CMI) ng’eno yamazeeyo olunaku lulamba ng’abaserikale bamubuuza ku by’obulumbaganyi ku Paasita Bujjingo eyali mukama we.

Ensonda zategeezezza nti abeebyokwerinda baabadde baagala Kaswabuli abannyonnyole engeri gye yatuuka amangu e Mulago ekiro omusumba we yakolebwako obulumbaganyi ng’ate tewali muntu n’omu eyali amubuulidde wadde okumukubira essimu. Kigambibwa nti okwemulugunya kuno kwakolebwa Paasita Bujjingo yennyini.

Amagye ge gaasoose okumukunya oluvannyuma ne bamukwasa bambega ba poliisi nabo okwongera okubaako bye bamubuuza.

Kaswabuli yategeezezza Bukedde nti yakolagana ne Bujjingo okumala emyaka 13 nga tebalina buzibu okutuusa bwe baamuwa emirimu gya gavumenti n’alyoka agenda.

Wabula kigambibwa nti wadde Kaswabuli yali yagenda naye kkampuni ekuuma ewa Bujjingo yiye era y’ensonga lwaki amagye gaabasalako ku Lwomukaaga bonna n’ebatwala okuzuula oba nga tebaali mu kkobaane okutuusa obulabe ku Bujjingo.

Abakuumi baabaggye ku kkanisa ya Bujjingo esangibwa e Makerere Kikoni ne batwalibnwa e Mbuya oluvannyuma lw’okukola sitetimenti ne babata ku kakalu ka poliisi.

Wabula bwe bazzeeyo e Kireka ku Mmande, baabaggyeeko amabaluwa kwe baabaweera akakalu ne balagirwa okudda ewaabwe.

Poliisi yayongezzaayo ekirabo ky’obukadde 20 obwassibwawo ku muntu anaabatwalira amawulire agabatuusa ku muntu eyeenyigira mu bulumbaganyi omwafiira munnamagye Richard Muhumuza.

Tags:
Paasita Bujjingo
House of Prayer Ministries

Emboozi Ezifanagana

Amawulire

Paasita Bujjingo asabidde maama Fiina essaala n'amugobamu emizimu gyonna

Amawulire

Bujjingo: Poliisi etaddewo obukadde 20 okuzuula abatemu

Amawulire

Poliisi etaddewo obukadde 20 eri anaazuula abaabadde baagala okutta Paasita Bujjingo

Amawulire

Gen Muhoozi ayagala abeebyokwerinda bafulumye lipooti mu bwangu ku b'emmundu abaalumbya Paasita Bujjingo: "Be baani?"

Amawulire

Bujjingo aliisizza abagoberezi be ekigambo kya Mukama okumala essaawa 2 n’ebiwundu by’amasasi mu mugongo!