Abasirikale ba Poliisi 12 leero bambaziddwa nnyota zaabwe ez'eddaala lya "Inspector General'

ABASIRIKALE  ba poliisi 12 abaawereddwa ennyonta okutuuka ku ddaala lya Assistant Inspector General Of Police { AIGP } leero, lwe bambaziddwa enyonta wakati mu nduulu n'engalo okuva  mu b'enganda zaabwe ne bakyala baabwe.

Omukolo gukuliddwamu omuduumizi wa poliisi mu ggwanga , Abbas Byakagaba n'omumyuka we wamu n'abakungu abalala okuva mu kitongole kya poliisi.

Abambaziddwa ennyonta, mulimu Abakuuzibwa mu mwezi gwa may , okuli Charles Katalatambi akulira eby'amateeka mu poliisi, David Wasswa akulira ekitongole ekirwanyisa obutujju, Flex Baryamusaki akulira ICT.

Abalala ye Moses Kafeero Director Human Resource and Development  , Hadij Namutebi akulira embeera z'abasirikale n'ebyemizannyo, Frank Mwesigwa akulira ebikwekweto, AIGP Ubaldo Bamunoba Direkita era omulungamya w'ebyobufuzi mu Uganda poliisi .

Abalala abaawereddwa enyonta zino mu mwezi oguwedde, kuliko Joseph Obwana, akulira poliisi y'ensi yonna, Eng James Apora owa Logistics and Engineering , Lawerence Nuwabine akulira traffic , Steven Tanui akulira ekitongole ekizikiriza omuliro.

Mu kwogera kwe, omuduumizi wa poliisi Abbas Byakagaba, agambye nti ttiimu gy'alina , akakasa bulungi nti yakukola omulimu n'obukugu obw'enjawulo era n'abasaba okwongera okuyambako abamadaala agawansi.

Aweze nga bw'akyagenda mu maaso n'okufaafagana n'abali b'enguzi era n'alabula abasirikale bonna, okukola emirimu gyabwe , mu bwesimbu.. Agasseeko nti amaanyi gonna bagatadde ku kunnyikiza poliisi ku mutendera gw'amagombolola okwetoloola eggwanga.

Ate David Wasswa ku lw'abaweereddwa enyota, yeyamye okukolaganira awamu , okulaba nga batuukiriza ebigendererwa bya poliisi mu ggwanga.