Aba Ghetto e Mubende basabye Hadijah Namyalo okubagambira ku bakungu ba Gavumenti abalya ssente zaabwe ez'okweggya mu bwavu

ABAVUBUKA ba Ghetto mu disitulikiti y’e Mubende basabye Hajjat Hadijah Namyalo okubagambira ku bakungu ba gavumenti abavumaganya erinnya lya Pulezidenti Museveni nga balya ssente z’abatiika okuzibatwalira.  

            “Hajjat Namyalo ng’akulira offiisi ya ssentebe wa NRM mu ggwanga tukimanyi bulungi nti ewa Pulezidenti Museveni tokonkona, tusaba omutegeze nti ekimulemesa okufuna obululu mu bavubuka naddala mu b’omu Ghetto, be bakungu ba gavumenti batuuma okubatuusaako enkulaakulana ya gavumenti ne bezibiikako ssente zabwe ezimu” Bwatyo akulira abavubuka b’omu Ghetto Moses Santos e Mubende Tumusiime bweyategezezza.

Aba GHetto e Mubende nga bafuna ebintu bya NRM

            Yayongeddeko nti waliwo ssente abavubuka b’omu Ghetto emabegako ze balina okufuna obukadde 100, kyokka obukadde 40.  Ekitegezza nti obukadde 60, bulamba bwabulankanyizibwa abamu ku banenne mu gavumenti ekintu ekyonoona erinnya lya Pulezidenti.

            Bino Tumusiime yabyogeredde munnamungi w’abantu abakungaanidde ku kisaawe kya Kasaana Grounds mu disitulikiti y’e  Mubende ku Lwomukaaga mu lukungaana  Namyalo ng’ali wamu n’omubaka omukyala akikkirira disitulikiti eno Grania Hope Nakazibwe ku mukolo gwa kasiiki ka meenunula  gwe bategesse okugabira abantu baayo                  ebintu eby’enjawulo ebikozesebwa mu kwejja mu bwavu.

            Okuli ebyalani, obuuma obukuba emberenge, ebomba ezifuyiira ebirime, obuuma obusaawa omuddo, obuuma obusiika kyipusi, obuuma obusaala enviiri, ensiigo za kasooli ne kalonda omulala.

Namyalo yategezezza Banna- Mubende nti ebintu bya baleetedde tebisobola ku bamala naye ekirungi ababifunye basobola okutandiikira okwo okukyusa obulamu bwabwe mu maka ne bagoba obwavu nga bwe balinddirira ebintu ebirala nga bayita mu nkola ya gavumenti omuli PDM, Emyooga ne nkola enddala.

Namyalo ng'agabira abantuba NRM ebintu e Mubende

“Byonna bye mwogedde mbiwulidde nsaba mubiteeke mu buwandiike nga mwe mulugunya nsobole okutuusa ebbaluwa yamwe ewa Pulezidenti Museveni asobole okusindiika abakugu be baginoonyerezeeko era omukungu yenna anasangibwa nga kituufu abadde tatuusa ssente za gavumenti aggya kukisasulira” Namyalo bweyategezezza.

            Omubaka akikkirira disitulikiti y’e Mubende omukyala Grania Hope Nakazibwe yebazizza nnyo Pulezidenti Museveni okubeera n’obukulembeze obulira eriiso erirengereera ewala obusobodde okukyusa ekitundu kyabwe kati balina enguudo amalwaaliro amalungi, obutale, amassomero ne nkulaakulana enddala.

            Oluvannyuma abayimbi okuli Vinka, Lil Pazo ne Gravity Omutujju bassanyusiza Banna- Mubende ku kasiiki ka meenunula ga NRM End