Amawulire
Bawadde essuubi ku luguudo lw’eggaali y’omukka olukolebwa
ABA minisitule y’ebyenguudo balambudde oluguudo lw’eggaali y’omukka oluddaabirizibwa okuva e Tororo okutuuka e Gulu.
Aba minisitule wamu n’Abachina nga beetegereza ebikolebwa ku luguudo lw’eggaali y’omukka e Magodesi mu Tororo
By: Bukedde Omusunsuzi, Journalist @NewVision
ABA minisitule y’ebyenguudo balambudde oluguudo lw’eggaali y’omukka oluddaabirizibwa okuva e Tororo okutuuka e Gulu. Batandikidde Tororo ne badda e Magodesi, Mbale, Bukedea ne bakomekkerereza e Mukula mu disitulikiti y’e Kumi.
Aba kkampuni y’Abachina eya China Road and Bridge Corporation (CRBC) be baakwasibwa omulimu gw’okulukola. Wabula mu kulambula baazudde nga
gutambula kasoobo. Minisita w’ebyemirimu n’entambula, Gen. Katumba Wamala bwe yali atongoza omulimu guno mu 2023 yategeeza nti mu myaka ebiri lujja kuba luwedde okutuuka e Gulu.
gutambula kasoobo. Minisita w’ebyemirimu n’entambula, Gen. Katumba Wamala bwe yali atongoza omulimu guno mu 2023 yategeeza nti mu myaka ebiri lujja kuba luwedde okutuuka e Gulu.
Okulambula kwakulembeddwaamu ssaabawandiisi wa minisitule y’ebyemirimu, Bageya Waiswa eyategeezezza nti ekigendererwa kya gavumenti okuzzaawo eggaali y’omukka kwe kwanguyiza ku bannansi okutambuza emigugu n’ebyamaguzi okuva e Malaba okutuuka e Gulu n’okweyongerayo e Pakwack kisobozese okugatta eby’obusuubuzi ku DR Conco ne South Sudan.
Kino kijja kuyamba abasuubuzi okutambuza ebyamaguzi ku bbeeyi entono.
Benon Kajura akulira eby’ekikugu mu minisitule y’ebyemirimu n’entambula yagambye nti oluguudo luno luliko kiromita 373.
Omulimu gwonna gwakuwemmenta obuwumbi bwa ssente 199.9bn nga basuubira okulumaliriza mu July w’omwaka guno.
Benon Kajura akulira eby’ekikugu mu minisitule y’ebyemirimu n’entambula yagambye nti oluguudo luno luliko kiromita 373.
Omulimu gwonna gwakuwemmenta obuwumbi bwa ssente 199.9bn nga basuubira okulumaliriza mu July w’omwaka guno.