"Trillion emu n'obukadde 82 ze zaabulankanyizibwa mu misango poliisi gye yanoonyerezaako"

Ensimbi ezisoba mu Trillion emu n'obukadde 82, ze zaabulankanyizibwa mu misango poliisi gye yanoonyerezaako mu mwaka oguwedde.

Bino byogeddwa amyuka akulira ekitongole kya CID, Chellimo Beata, bw'abadde ayitira mu bannamawulire alipoota y'obuzzi bw'emisango ey'omwaka 2024 eyafulumiziddwa.

Alipoota eno, yatongozebwa omuduumizi wa poliisi mu ggwanga, Abas Byakagaba wiiki ewedde e Naggulu, olwo abakulira dipaatimenti ez’enjawulo, ne boongera okugisensulira bannamawulire.

Akoowodde Bannayuganda, okuyambako ku bakuumaddembe, okulwanyisa n'okumalirawo ddala enguzi efunze ekyonga mu ggwanga.

Beata annyonnyodde nti ezimu ku zaazuulibwa, bazizzaayo mu gavumenti ate endala ne ziddizibwa bannyini zo.