Mmotoka eremeredde omugoba waayo n'etomera ow'emyaka 14 n'afiirawo

Omwana omuwala ow'emyaka 14, akooneddwa mmotoka e Luwero n'afa. 

Akabenje kabadde ku kyalo Ngogolo mu ggombolola y'e Butuntumula e Luwero, mmotoka nnamba UBH 003Z gy'egambibwa okukoona Eunice Nakitto n'afa nga yaakatuusibwa mu ddwaaliro e Luwero. 

Omwogezi wa poliisi mu Savana Sam Twineamazima, agambye nti ddereeva w'emmotoka asobodde okwemulula n'adduka era bamuyigga. 

Agasseeko nti ebadde Eva Ggulu okudda e Kampala n'emulemerera olw'emisinde n'etomera Nakitto.