Poliisi erabudde abazadde ku 'kikukusa' baana mu luwummula!

Ng'abaana bali mu luwummula, abazadde balabuddwa okubakuuma okwewala kikukusabantu.

Derrick Basaalirwa Kigenyi, amyuka akulira okulwanyisa ekikukusabantu, agambye abantu abakukusibwa, ebitundu 80 ku buli kikumi baana.

Annyonnyodde nti, amasimu , kkompyuta n'emitimbagano, abaana balina nabyo okubyegendereza nti kuba abakukusa abantu, bamanyi okubyeyambisa.

Annyonnyodde nti abamu ku bakukusibwa, baggyibwa e Somalia, Kenya, ne bayita e Legu okugenda e South Sudan, Sudan okutuuma e Libya olwo ne beeyongerayo awalala.