Okusaala Eid Adha e Mbarara ; Abaayo basabiddwa okuyiirawo eddiini yaabwe omubiri

Sheikh Salimu Ahmed era nga muyizi e Madina mu Buwarabu,akubirizza Abasiraamu okwewaayo okukolerera eddiini yaabwe mu buli kye bakola.

Abamu ku basiiramu abeetabye Mu kusaala Kwa Eid Ku Muzigiti Gw'e Nyamitanga

Sheikh Salimu okwogera bino abadde akulembeddemu okusaala ku muzikiti gw'e Nyamitanga mu kibuga Mbarara.

Ono agambye nti okwewaayo kyetaagamu okuyiwawo n’omubiri nga kino kyakulabirako kye tujja ku Nabbi Ibrahim olw'ekikolwa kye kye yakola era nga na kati kye bamujjukirirako.

Ono era asabye Abasiraamu okusaasira abo ababeera babasobezza, nti olw'ensonga Allah naye asaasira era n'asonyiwa.