Kitalo! Abavubi 3 bagudde mu nnyanja 2 ku bo ne bafiiramu!

Ekikangabwa kigudde ku mwalo ogumu e Mayuge, abavubi basatu bwe bagudde mu nnyanja, babiri ku bbo ne bafiiramu.

Abafudde kuliko Ayubu Musana 33 ng'abadde mutuuze w'e Ndayiga B mu ggombolola y'e Kiteerera e Mayuge ne Farook Muyita 29 nga naye abadde mutuuze mu kitundu kye kimu.

Eyasimattuse ye Fahadi Musana 18, ow'e Kiteerera era ng'okufuna akabenje, baabadde bagenze kuvuba, embuyaga n'efuula akaato mwe baabadde, babiri ne babbira ne bafa.

Omwogezi wa poliisi mu Busoga East, Micheal Kafaayo, agambye nti emirambo ginnyuluddwayo ne gitwalibwa okwekebejjebwa.