5 bafiiridde mu kabenje akagudde e Nakasongola mu kiro ekikeesezza leero

Abantu bataano bafudde n'abalala Mukaaga ne balumizibwa mu kabenje akagudde e Nakasongola mu kiro ekikeesezza leero.

Kabadde ku kyalo Kyalweza mu ggombolola y'e Wabinyonyi ku luguudo oluva e Kampala okudda e Ggulu, mmotoka kamunye nnamba UA 415AV  bw'etomereganye n'endala UBL 615 T Nissan Dise .

Kamunye ebadde eva Kampala okudda e Ggulu kigambibwa kwe kuva ku ludda lwayo n'eyambalagana ne Nissan ebadde eva e Ggulu , abantu bataano ne bafiirawo n'okulumya abalala Mukaaga.

Omwogezi wa poliisi mu Ssezzibwa, Sam Twiineamazima, ategeezezza nti abaakoseddwa batwaliddwa mu malwaliro okuli ery'e Nakasongola ne Kiryandongo ate emirambo ne gitwalibwa mu ggwanika e Nakasongola, ng'okubuuliriza kugenda mu maaso .