Omuliro gusaanyizzaawo bya bukadde mu kisulo ky'essomero e Butabika!

Ebintu ebibalirirwa mu bukadde bw'ensimbi, bitokomokedde mu muliro ogukutte ekisulo ky'essomero e Butabika mu kiro ekikeesezza leero.

Omuliro gukutte ekisulo ky'abaana abalenzi ku ssomero lya Nakawa Union Vision mu Butabika Hospital Village e Nakawa mu Kampala.

Ebintu ebiwerako biyidde naye ekivuddeko omuliro kiteeberezebwa nti gaaliba amasannyalaze okucankalana.

Omwogezi wa poliisi mu Kampala, Patrick Onyango, ategeezezza nti okubuuliriza kukyagenda mu maaso okuzuula e kituufu.

Ayongeddeko nti tewali muyizi  akoseddwa wadde afudde mu muliro guno.