Poliisi ekutte 12 ku by'okwenyigira mu bubbi n'okutulugunya abantu e Namataba

Abantu 12 abagambibwa okwenyigira mu bubbi n'okutulugunya abantu e Namataba, bayooleddwa mu kikwekweto ekikoleddwa poliisi n'amagye.

Ekikweto era kizingiddemu n'ekyalo Kkungu e Mukono era ng'abakwate, bakuumirwa ku poliisi e Mukono.

Omwogezi wa poliisi mu Kampala, Patrick Onyango, ategeezezza nti abatuuze n'abantu ab’enjawulo, babadde baludde nga beemulugunya ku bumenyi bw'amateeka mu kitundu.

Agasseeko nti ebikwekweto bino, bikyagenda mu maaso okulwanyisa obubbi n'ettemu mu kitundu.