Ebbugumu mu kulonda kw’abakulembeze b’akatale k’e Busega

EBBUGUMU lyefuze okulonda abakulembeze mu katale k’e Busega akakoleramu abasuubuzi abasoba mu 300.
Ng’okulonda tekunnabaawo abeesimbyewo mu bitongole eby’enjawulo okwabadde
ab’ebyennyanja, ab’amatooke, aba lumonde ne muwogo, aba saluuni,  ab’ebyokunywa, engoye, abatunda emmere enfumbe n’abalala baasoose  kuyisa bivvulu okwetooloola
akatale konna nga basaggula obuwagizi.
Buli basuubuzi balondedde  mu kifo webakolera ng’okulonda kwabadde kwakusimba mu mugongo nga ku buli mutendera abasuubuzi baabadde balonda ssentebe n’omumyuka we kyokka ng’omu kubo alina kubeera mukazi.
Abamu akalulu baakanoonyerezza  ku tukutuku, ku bigaali ate abamu baakozesezza Fuso ezisomba  amatooke ne bodaboda.
Akalulu k’abasuubuzi b’ebyennyanja keekasinze  okubeeramu ebbugumu nga ku
kifo ky’obwa ssentebe abavuganya baabadde babiri Jimmy Kawuuma ne Abdul Mukiibi era kaagenze okuggwa nga Kawuuma akawangudde ku bululu 285 ku 128, Nayiga
Kisaakye yawangudde Justine Namaganda ku ky’obumyuka. Kawuuma ne Kisaakye beeyamye okugatta abasuubuzi bonna n’okubaweereza mu bwesimbu
nga bagenda kutandikira ku kyakuteerawo basuubuzi SACCO mwe basobola okuyita okuterekan’okwewola.
Ssentala w’akatale ka Owino, Ronald Mutebi ye yakulembeddemu okulondesa abasuubuzi  b’ebyennyanja nga yategeezezza nti okulonda kwatambudde bulungi era
ng’abasuubuzi basobodde okwerondera abakulembeze baabwe. be
beesimidde.
Ssentala w’akatale k’e Busega, Vennansio Natuhwera yagambye nti  etteeka ly’obutale galagira abasuubuzi okwerondera abakulembeze baabwe nga bano be balina okutuusa
ensonga zaabwe eri abakulu  mu KCCA.
Yayongeddeko nti abalondeddwa bonna bagenda kuteekebwa mu  bitabo bya KCCA era okulonda kukoleddwa mu kugoberera amateeka  agalambikibwa eby’okulonda.
Kyokkko ng’okulonda tekunnabaawo waabaddewo okwemulugunya  mu bifo ng’abamu abatali balonzi baabadde basimbye mu nnyiriri ekyawalirizza abalondesa okusooka okugoberera enkalala z’abalonzi.