Obukulembeze bwa Taxi butandise kaweefube w'okubala Taxi

SSENTEBE w’ekibiina kya UTOF ekigatta omulimu gwa takisi mu Uganda Rashid Ssekindi atongozza kaweefube w’okubaala takisi zonna mu ggwanga nga baagala okumanya omuwendo gwazo omutuufu kiyambe gavumenti okubateekerateekeera.

Okuva minisita omubeezi ow’ebyentambula Fred Byamukama bweyalangirira nti gavumenti eyagala okwediza omulimu gwaffe nga bagenda kusooka na kubaala takisi mekka ze tulina gattako ensonga y’e bipapula ebibadde bitukubibwa mu bukyamu ebya EPS.

Kyokka byonna ne twerwanako n’omukulembeze w’e ggwanga navaayo n’agamba nti kkamera yaziteekawo lwa byakwerinda kwa ggwanga so,  si kutulugunya bagoba ba biduuka.

            “Twasazeewo naffe tuteeketeeke okumwaniriza mu kibuga Kampala mw’agenda okutuuka ssaawa yonna nga asomesa enkola ya PDM ne Myooga mwanalambulira ne ppaaka zaffe  atusange nga tumaanyi omuwendo gwa takisi omutuufu  gwe tulina” Ssekindi bweyategezezza,

Taxi

            Ssekindi bino yabyogeredde ku offiisi ye esangibwa ku Nalubwama akeedi mu Kampala eggulo ng’atongoza okubbaala takisi zonna mu ggwanga  nga buli mmotoka bagenda gisanga ku siteegi yaayo bagiteekeko sitiika eno .

            Kino kigenda tuyamba okusobola okusaakkira ba ddereeva n’abagoba bazzo nga bwetwetegekeera okukyuka okuva mu takisi eza bantu 14 tudde mu mmotoka ez’abantu nga 20  gavumengi zeyagala.

            Yagambye nti kino kijja kubayamba okumanya nti siteegi okubadde emmotoka ey’abantu 14 bwetuteekawo ey’abantu 20, enagendako mmotoka mekka,  buli luguudo lwetagaako mmotoka mekka ne kalonda omulala nga yenna twetaaga okubeera naye nga tumanyi omuwendo gwa mmotoka zaffe omutuufu.

            Mmotoka ezikoleera mu bitundu bya Kampala, Mukono, Wakiso ne Mpigi tuteekako sitiika ng;eriiko ebigambo nti “Kampala Chapter” ate ez’e Masaka tugenda ziteekako “Greater Masaka Chapter, Eastern region chapter, Western Region chapter , Northern Region chapter  ne Southern Region cahpter.

            Sitiika eno eriiko okuva ku nnamba “001 okutuuka ku 30,000. Mmotoka ze tusubira okubeera nti tulina mu ggwanga era bwe bakateeka ku mmotoka yo manya nti eyo yabaalibwa nga osobola n’okukozesa essiimu yo,  n’omanya ebikwata ku mulimu gwaffe.

            Sitiika zino zigenda kuyamba okunyweza ebyokwerinda by’omulimu gwaffe n’ebye ggwanga ssaako n’okumanya aberimbika mu mulimu gwaffe nga siba takisi.

            Abakulembeze baffe mu ppaaka ye bagenda okukuliramu omulimu guno kyokka omugoba wa takisi ogya kuwangaayo omuntu akola omulimu ogwo amazzi oba nnusu 1000/= oba 2000/= nga za kyeyagalire.

            Mu wiiki emu omulimu guno gugenda kubeera guwedde era ezitabalibwe nga zisangiddwa mu galagi tujja nazzo okufuna obudde tuddemu tuzibaale tuleme kuwa mukisa bakungu ba gavumenti bajje bakole omulimu guno ate basabe abantu baffe obuwanana bwe nsimbi ne bigendererwa ebirala.

            Ddereeva yenna anagana okuteekaako sitiika ku mmotoka ye tetugenda kumukakka nga bw’olaba bwekiri mu kubbaala abantu mu Uganda yonna kyokka bwetunabeera tuasakidde abantu baffe enkulaakulana gwe eyagaana tojja kufunamu.