Enteekateeka z'okujja kwa Pulezidenti Museveni mu Lubaga ziri mu ggiya

Enteekateeka z'okwaniriza pulezidenti Museveni e Lubaga ku mmande nga 5 January  zongeddwaamu amaanyi.

Majembere akuliddemu enteekateeka y'okukyaza Pulezidenti Museveni nga bali munteekateeka

Leero ssentebe wa NRM e Lubaga omu ku bakulembeddemu okwaniriza pulezidenti Museveni e Lubaga, asiibye ku ssomero lya Kitebi PS okulaba nga buli kimu kitambula bulungi, era ekifo kiyoyooteddwa n'okutimba ebipande bya muzeeyi okwetoloola ekifo wonna.

Majembere ng'atereeza ekifo

Majambere agamba okwaniriza pulezidenti Museveni mu maanyi, baba baaniriza   nteekateeka ennungi  ey'enkulaakulana gyaleese mu bantu.

Naakubiriza banna Lubaga bonna okujja  okubaawo mu bungi okwaniriza omukulembeze owenkulaakulana ey'omuggundu ku mmande.
Agamba nti, eno laale ya pulezidenti e Lubaga egenda kumemyawo zonna.

Mmajembere ng'ali ku kiyitirirwa

Naawera nti kuluno  Museveni Kampala agenda kumuwangulira waggulu, nti  luli baamubba mu Kampala naatawangula, naye leero agenda kuwangulira waggulu.
Enteekateeka zikyagenda mumaaso era abantu ab'enjawulo beeyowa ku ssomero lya Kitebi PS okubaako nabo ettoffaali lyebateekawo okwaniriza pulezidenti.

Batimbe ebiyitirirwa mu makuno gonna agatuuka ku ssomero lya Kitebi PS, pulezidenti Museveni gyagenda okubeera ku mande.